पिंपरी : लॉकडाउन घोषित होताच किरकोळ विक्रेत्यांनी भाजीपाल्याची आवक मर्यादित असल्याचे सांगत 'अव्वाच्या सव्वा' भाव आकारण्यास सुरुवात केली. परिणामी आठवड्यापूर्वी 30 रुपये किलो भाव असलेल्या टोमॅटोची 80 रुपये किलोने विक्री सुरू आहे. त्यामुळे टोमॅटो खरेदी करताना प्रति किलोला 50 रुपये गृहिणींना मोजावे लागत आहे. 

- ताज्या बातम्यांसाठी डाऊनलोड करा ई-सकाळचे ऍप

पिंपरी-चिंचवडच्या बातम्या वाचण्यासाठी येथे ► क्लिक करा

सोमवारी मध्यरात्रीपासून सुरू होणाऱ्या लॉकडाउनमुळे नागरिकांनी विविध खरेदीसाठी शनिवारी बाहेर पडण्यास सुरुवात केली. लॉकडाउनच्या धास्तीने नागरिकांनी भाजी खरेदीसाठी गर्दी केली आहे. भाजीपाला बाजारात टोमॅटोची आवक असतानाही, अचानक एका दिवसांत प्रतिकिलोचे भाव गगनाला भिडले आहेत. प्रति किलो 30 रुपये असलेला टोमॅटोचे भाव आता 80 रुपयांच्या घरात पोचले आहेत. 20 रुपये प्रतिकिलो बटाटा प्रतीभाव 50 रुपये किलोवर विकला जात आहे. त्यामुळे टोमॅटो खरेदी करताना प्रती किलोमागे 50 रुपये जादा भाव गृहिणींना मोजावे लागत आहे. इतर भाजीपालाही किमान 60 रुपये किलोच्या घरात आहे. नागरिकांची होणारी गर्दी पाहता किरकोळ भाजी विक्रेत्यांनी भाजीपाल्यांचे भाव वाढविले आहे. रस्त्यावर अनेक भाजी विक्रेत्यांनी दुकाने मांडली आहेत. आवक कमी झाल्यामुळे भावात वाढ झाल्याचे भाजी विक्रेत्या कांताबाई शिंदे यांनी सांगितले असून, टोमॅटोची भाववाढ आणखी काही दिवस राहण्याची शक्‍यता आहे. 

कोण म्हणते गुटख्याला बंदी? या ठिकाणी होते खुलेआम विक्री

मेथी बाजारात दिसू लागली असून, भाव मात्र 30 रुपये जुडी इतका आहे. अपवाद वगळता अन्य पालेभाज्या बाजारात दिसत नाहीत. कोथिंबीर अद्याप महागच असून, मोठी जुडी 40 रुपयाला विकली जाते. अन्य भाज्यांमध्ये वांगी 60 रुपये, गवार 80 रुपये, भेंडी 40 रुपये, कारली 40 ते 60 रुपये, फ्लॉवर 60 रुपये, कोबी 40 रुपये, दोडकी 40 रुपये, शिमला मिरची 40 रुपये किलो याप्रमाणे दर आहेत. तर कांदा 40 रुपये किलो, बटाटा 50 रुपये, हिरवी मिरची 80 रुपये, आले 80 ते 90 रुपये, लसूण 100 रुपये किलो याप्रमाणे भाव आहे. परिणामी भाजीपाल्याचे भाव दुपटीने वाढले आहे. सर्वाधिक टोमॅटो आणि मिरचीची आवक अल्प असल्यामुळे प्रती किलोचे भाव 80 ते 100 रुपयापर्यंत पोचले आहेत. त्यामुळे भाजीपाला खरेदी करण्याअगोदर गृहिणींना अर्थकारणाचा विचार करावा लागत असल्याचे ग्राहक महेश गावडे यांनी सांगितले.