पिंपरी : लॉकडाउन शिथिल करत असताना प्रत्येकाला सुरक्षितता पाळायला लागणार, असा सल्ला सरकारकडून देण्यात येत असला तरी शहरातील नागरिकांना सोशल डिस्टन्सिंगचा विसर पडला आहे. त्यामुळे कोरोनाचा संसर्ग वाढण्यास निमंत्रण मिळण्याची शक्‍यता निर्माण झाली आहे. रविवारच्या सुटीच्या दिवशी शहरातील अनेक भागांमध्ये या नियमाचा फज्जा उडाल्याचे चित्र पाहायला मिळाले. 

ताज्या बातम्यांसाठी डाऊनलोड करा ई-सकाळचे ऍप
 

शहराचा रेड झोनमधे असणारा समावेश काही दिवसांपूर्वी काढण्यात आला. त्यानंतर कन्टेन्मेंट भाग वगळता अन्यठिकाणचे व्यवहार हळूहळू पूर्ववत होऊ लागले असले तरी दुकाने, बॅंका, याठिकाणी येणाऱ्या नागरिकांनी रांगेमध्ये थांबताना किमान तीन फूटाचे अंतर ठेवण्याच्या सूचना सरकारकडून देण्यात आल्या आहेत. सुरुवातीच्या काळात या नियमांचे काटेकोरपणे पालन होताना दिसले. आता मात्र, अनेक भागामध्ये नागरिकांकडून हा नियम पाळला जात नसल्याचे पाहायला मिळाले.

पुण्यातील इतर बातम्या वाचण्यासाठी येथे- क्लिक करा

कोरोनाचे संकट अद्याप गेलेले नाही, त्यामुळे सार्वजनिक ठिकाणी वावरताना नागरिकांनी पूर्णपणे खबरदारी घेणे आवश्‍यक असल्याचे वारंवार सांगण्यात येत असले तरी नागरिक मात्र, लॉकडाउन शिथिल होत असल्यामुळे आता कोरोना गेला असल्याचा भ्रम नागरिकांमध्ये झाला आहे, त्यामुळे की काय त्यांना सोशल डिस्टन्सिंगचा पूर्णपणे विसर पडला आहे. दुकानांमध्ये खरेदीसाठी जाणारे ग्राहक आणि विक्रेते यांच्यामध्ये देखील ठराविक अंतर राखणे अपेक्षित आहे. मात्र, प्रत्यक्षात तसे होताना दिसत नसल्याचे अनेक ठिकाणी पाहायला मिळाले. 

शासनाच्या आदेशाचा विद्यार्थ्यांना फटका; गरवारे महाविद्यालयाचे २०० विद्यार्थी अकरावीत नापास

खरेदीसाठी बाहेर येणाऱ्या नागरिकांकडून मास्कचा वापर होत नसल्याचेही काही ठिकाणी पाहायला मिळाले. नागरिकांच्या अशा बेजबाबदार वागण्यामुळे कोरोनाचे संकट वाढण्याची शक्‍यता निर्माण झाली आहे. 

पुण्यात हे काय चाललंय, रोज `एवढे` जण करताहेत आत्महत्या; ही आहेत कारणे...​​