टाकवे बुद्रूक (ता. मावळ) : एकीकडे अनेक समाजसुधारक अंधश्रद्धा निर्मूलनासाठी काम करीत आहेत. दुसरीकडे एका झाडाला काही व्यक्तींची नावे टाकून लिंबू खिळा झाडाला ठोकून जादूटोणा केल्याचा धक्कादायक प्रकार आंदर मावळातील टाकवे गावाशेजारील इंद्रायणीकाठी घडला आहे. विशेष म्हणजे ग्रामपंचायत निवडणुकीच्या सरपंच, उपसरपंच पदावरून हा प्रकार घडवून आल्याचे बोलले जात आहे. या बाबत अविनाश मारुती असवले यांनी वडगाव पोलिस ठाण्यात फिर्याद दाखल केली आहे.
सोमवारी (ता. 8) सकाळी टाकवे गावाशेजारील इंद्रायणी नदीकाठी भैरवनाथ मंदिरासमोरील पिंपळाच्या झाडाला अविनाश असवले त्यांचे चुलते भूषण असवले, सहकारी ऋषिनाथ शिंदे यांची नावे लिंबावर लिहून व ते लिंबू खिळा मारून झाडाला ठोकले होते. या बाबत फिर्यादी यांना माहिती मिळाली असता त्यांनी तातडीने घटनास्थळी दाखल होऊन घटनेची पाहणी केली. यावेळी हा प्रकार जादूटोणा किंवा नरबळीचा प्रकार असल्याचे दिसून आले.
- पिंपरी-चिंचवडच्या बातम्या वाचण्यासाठी येथे ► क्लिक करा
या प्रकरणी अविनाश असवले यांनी वडगाव पोलिस ठाण्यात फिर्याद दिली आहे. हा जादूटोण्याचा प्रकार टाकवे ग्रामपंचायतीच्या होणाऱ्या सरपंच व उपसरपंच पदाच्या निवडणुकीवरून केल्याचे अविनाश असवले यांनी सांगितले. या प्रकरणाचा गांभीर्याने विचार करून समाजात अंधश्रद्धा पसरविणाऱ्या दोषींवर कडक कारवाई करावी असेही ते म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.