Mohan Agashe: आज लोकसभा निवडणुकीच्या (Lok Sabha Election 2024) चौथ्या टप्प्यात नंदुरबार, जळगाव, रावेर, जालना, छत्रपती संभाजीनगर, मावळ, पुणे, शिरूर, अहमदनगर, शिर्डी आणि बीड येथे मतदान होत आहे. अशातच अनेक जण मतदानाचा हक्क बजावत आहेत. ज्येष्ठ अभिनेते मोहन आगाशे (Mohan Agashe) यांनी देखील मतदानाचा हक्क बजावला आहे. यावेळी मतदान केंद्रावर त्यांनी राजकारण्यांना चांगलंच सुनावलं आहे.
मोहन आगाशे यांनी मतदानाचा हक्क बजावल्यानंतर मतदान केंद्रावर माध्यमांशी बोलताना सांगितलं, "35 उमेदवार उभा आहेत पाच मिनिटं मशीन वाचण्यातच गेली. माणसागणिक पार्ट्या झाल्या आहेत. मतदानाबाबत जनजागृती केली पाहिजे. लोकांनी काय केलं पाहिजे, हे मी सांगू शकत नाही. पण निदान प्रत्येकानं आपलं काम चोख पद्धतीनं कारवं, तरच आपला देश सुधारेल." मोहन आगाशे यांच्या या वक्तव्यानं लक्ष वेधले आहे.
मोहन आगाशे यांनी अनेक चित्रपट आणि मालिकांमध्ये काम केलं आहे. जैत रे जैत, देऊळ, कासव, अस्तू या त्यांच्या चित्रपटांना प्रेक्षकांची पसंती मिळाली.
राज्यातील लोकसभा निवडणुकीच्या चौथ्या टप्प्यातील मतदान आज (13 मे) सात वाजल्यापासून सूरु झाले आहे. चौथ्या टप्प्यातील एकूण 11 मतदार संघात सकाळी 9 वाजेपर्यंत सरासरी 6.45 टक्के मतदान झाले आहे.
मोहन आगाशे यांच्यासोबतच अभिनेता सुबोध भावे, अमोल पालेकर यांनी देखील मतदानाचा हक्क बजावला आहे. सुबोध भावेनं गुजराती शाळेत मतदानाचा हक्क बजावला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.