अभिनेत्री रविना टंडनने दारूच्या नशेत एका वृद्ध महिलेला मारहाण केल्याचं प्रकरण सध्या गाजत आहे. यावेळी रविना दारूच्या नशेत होती असं म्हंटलं जातंय. सोशल मीडियावर तिचा हा व्हिडीओ व्हायरल झाला आहे.

रागाच्या भरात गोंधळ घालण्याची रवीनाची ही काही पहिलीच वेळ नाहीये. या आधीही रवीनाचे अनेक कारनामे सर्वश्रुत आहेत.

जेव्हा सेटवरून लहान मुलाला हाकललं

हि गोष्ट आहे 'मोहरा' सिनेमाच्या सेटवरची. या सिनेमातील 'टिप टिप बरसा पानी' हे गाणं खूप गाजलं होतं. या गाण्याच्या शूटिंग दरम्यान एक लहान मुलगा सेटवर उपस्थित होता. या गाण्याचं शूटिंग सुरु असताना एक लहान मुलगा सतत तिच्याकडे बघत होता. त्याच्या अशा बघण्यामुळे रवीनाला थोडंसं अस्वस्थ वाटत होतं. त्या मुलाने तिच्याकडे बघणं सोडलं नाही तेव्हा चिडलेल्या रवीनाने सेटवरील व्यक्तींना सांगून त्या लहान मुलाला सेटवरून हाकललं.

हा लहान मुलगा पुढे जाऊन बॉलिवूडमधील स्टार बनला. हा आहे अभिनेता 'रणवीर सिंग'.

सवतीवर फेकला होता ज्यूस

रवीनाने अनिल थडानीशी लग्न केलं. रवीनाच्या आधी अनिल यांचं लग्न नताशा सिप्पी यांच्याशी लग्न केलं होतं. पण त्यानंतर त्यांनी तिला घटस्फोट दिला आणि रवीनाशी लग्न केलं. त्यानंतर रवीना पुन्हा एकदा नताशाला एका पार्टीत भेटली. तिथे त्या दोघींमध्ये भांडण झालं आणि रवीनाला वाटायचं कि नताशा पुन्हा अनिलशी संबंध वाढवण्याचा प्रयत्न करतेय म्हणूनच, तिने नताशाच्या अंगावर ज्युस फेकला. याचा खुलासा नताशाने एका मुलाखतीमध्ये केला.

१ जूनच्या रात्री काय घडलं?

मुंबईतील वांद्रे परिसरात काही लोकांना मारहाण केल्याचा आरोप रवीनावर करण्यात आला आहे. याबाबतचा एक व्हिडीओ सोशल मीडियावर व्हायरल झाला आहे. व्हिडिओमध्ये बोलणाऱ्या व्यक्तीने असं सांगितलं कि, रवीना आणि रवीनाच्या ड्रायव्हरने एक वृद्ध महिला आणि दोन तरुण मुलींना मारहाण केल्याचं सांगितलं. या तिघींपैकी एक त्याची आई, एक बहीण आणि एक भाची असल्याचं त्याने म्हंटलं. तर त्याच्यासोबत असलेल्या तरुणीने रवीनाला पोलिसात जाण्याची धमकी दिली.