Hruta Durgule : अभिनेत्री ऋता दुर्गुळेने कमांडर करण सक्सेना या वेबसिरीजमधून हिंदी वेबविश्वात पदार्पण केलं. या वेबसिरीजमध्ये ऋता पोलीस अधिकाऱ्याची भूमिका साकारत असून पहिल्यांदाच ती एका डॅशिंग भूमिकेतून प्रेक्षकांच्या भेटीस आली. तिची ही वेगळी भूमिका आणि धडाकेबाज अंदाज चांगलाच चर्चेत आहे. ऋताने नुकताच सोशल मीडियावर तिच्या वेबसिरीजचा एक बिहाइंड द सीन व्हिडीओ शेअर केला. हा व्हिडीओ सध्या सोशल मीडियावर चर्चेत आहे.

ऋताने शेअर केलेल्या व्हिडिओमध्ये ऋता पोलीस अधिकाऱ्याच्या वेषात दिसत असून ती सुरुवातीला तयारी करताना दिसतेय. त्यानंतर ती एका गुंडाला पकडत असून त्याला मारताना दिसतेय. तिने केलेली अॅक्शन आणि त्यासाठी घेतलेली मेहनत या व्हिडिओमध्ये दिसून येतेय. कायमच रोमँटिक भूमिकांमधून प्रेक्षकांच्या भेटीस येणाऱ्या ऋताच्या या धडाकेबाज अंदाजाने सगळ्यांनाच भुरळ घातली आहे. सोशल मीडियावर तिने हा शेअर केलेला व्हिडीओ चांगलाच चर्चेत आहे.

ऋता या वेबसिरीजमध्ये एका डॅशिंग पोलीस अधिकाऱ्याच्या भूमिकेत दिसतेय. एसीपी रचना म्हात्रे असं तिच्या भूमिकेचं नाव आहे. तिचा हा अंदाज अनेकांना भावला असून अनेकांनी या व्हिडिओवर कमेंट करत तिचं कौतुक केलं.

गुरमीत चौधरी याची या वेबसिरीजमध्ये मुख्य भूमिका असून ही वेबसिरीज हॉटस्टार या ओटीटी प्लॅटफॉर्मवर रिलीज झाली आहे. तर मराठी इंडस्ट्रीत ऋताचा कन्नी हा सिनेमा रिलीज झाला होता. त्यानंतर अजून कोणताही नवा प्रोजेक्ट ऋताचा रिलीज झाला नाहीये.