लोकसभा निवडणुकांची रणधुमाळी आता सुरू झाली आहे. सगळे पक्ष त्यांचा पक्ष निवडून यावा म्हणून जोरदार प्रचार करत आहेत आणि मोठ्या संख्येने मतदान करण्यासाठी जनतेला आवाहन करत आहेत.

रेणुका यांनी एक्स या सोशल मीडिया प्लॅटफॉर्मवर लोकांना मराठी लोकांचा अपमान करणाऱ्या उमेदवाराला मत देऊ नका असं आवाहन केलं आहे. " "मराठी not welcome" म्हणणार्‍या लोकांना कृपया मत देऊ नका 🙏🏽

मराठी लोकांना घरं न देणाऱ्या लोकांचे समर्थन करणाऱ्या उमेदवारांना कृपया आपलं बहुमूल्य मत देऊ नका 🙏🏽

ज्यांच्या कामाच्या ठिकाणी मराठी भाषा किंवा लोकांना कमी लेखलं जातं, अशा लोकांचे समर्थन करणाऱ्या उमेदवारांना किंवा पक्षाला कृपया मत देऊ नका 🙏🏽

कुठल्याही जाती, धर्म किंवा भाषेच्या विरुद्ध मी नाही, पण जे आपल्याच महाराष्ट्रात, आपल्या भाषेचा आणि संस्कृतीचा मान ठेवत नाहीत, अशा लोकांना, शांतपणे, मत न देऊन, त्यांची चूक दाखवून दिलीच पाहिजे 🙏🏽" असं ट्विट त्यांनी केलं आहे. त्यांचं हे ट्विट सध्या सोशल मीडियावर चर्चेत आहे.

रेणुका यांचं हे ट्विट सध्या सोशल मीडियावर चर्चेत आहे. अनेकांनी त्यांच्या या पोस्टवर कमेंट करत त्यांच्या या बोलण्याला दुजोरा दिला आहे. अनेकांनी त्यांनी ही भूमिका घेतल्याबद्दल त्यांचे आभार मानले आहेत.

नेमकं काय आहे प्रकरण?

काही दिवसंपूर्वी सोशल मीडियावर एक जॉब पोस्ट व्हायरल झाली होती. या पोस्टमध्ये मराठी लोकांना हा जॉब दिला जाणार नाही असं स्पष्ट केलं होतं. त्यामुळे या प्रकरणामुळे सध्या सोशल मीडियावर वातावरण पेटलं आहे. या प्रकारानंतर अनेक दिग्गजांनी त्यांचा निषेध नोंदवला होता.

दरम्यान, रेणुका यांचे त्रिभंगा,  गोविंदा मेरा नाम हे सिनेमे प्रेक्षकांच्या भेटीस आले होते.या दोन्ही सिनेमातील त्यांच्या भूमिका खूप गाजल्या होत्या. आता त्या आणखी कोणत्या सिनेमातून प्रेक्षकांच्या भेटीस येणार याकडे सगळ्यांचं लक्ष लागून राहील आहे.