अनन्या पांडेची चुलत बहीण अलाना पांडे आई झाली आहे. अलानाने एका मुलाला जन्म दिला आहे. तिने पती इव्हर मॅकक्रेसोबतचा व्हिडिओ शेअर करून चाहत्यांना तिच्या मुलाची झलक दाखवली आहे. अलानाचा बाळासोबतचा हा व्हिडिओ व्हायरल होत आहे. व्हिडिओमध्ये तिने चाहत्यांना बाळाचा चेहराही दाखवला आहे. चाहते तिच्यावर कौतुकाचा वर्षाव करत आहेत.

व्हिडिओ शेअर करताना अलानाने लिहिलं- आमचा छोटा देवदूत आला आहे. व्हिडिओमध्ये, अलानाचा पती येऊन बेडवर बसतो त्यानंतर अलाना येते तेव्हा तिच्या गोंडस मुलाला सोबत घेऊन येते.त्यानंतर ते दोघेही मुलाकडे पाहून हसतात आणि एकमेकांना किस करतात. या पोस्टवर चाहते कमेंट करत अलानाचं अभिनंदन करत आहेत. अनन्यानेदेखील तिच्या इंस्टाग्राम स्टोरीवर अलानाचा व्हिडिओ शेअर केला आहे. व्हिडिओ शेअर करत तिने लिहिलं- माझा सुंदर मुलगा भाचा आला आहे. अनन्याचा आनंद तिच्या पोस्टमध्ये स्पष्ट दिसत आहे.

अलाना पांडे ही सोशल मीडिया इन्फ्लुएन्सर आहे. इंस्टाग्रामवर तिचे 1.6 मिलियन फॉलोअर्स आहेत. तिच्या मॅटर्निटी फोटोशूट आणि बेबी शॉवरचे फोटो आणि व्हिडिओ सोशल मीडियावर व्हायरल होतात. अलाना लवकरच ओटीटीवर पदार्पण करणार आहे. तिचा रिॲलिटी शो द ट्राइब लवकरच प्राइम व्हिडिओ इंडियावर प्रदर्शित होणार आहे. या शोमध्ये भारतातील टॉप सोशल मीडिया इन्फ्लुएंसरचं जीवन दाखवण्यात येणार आहे. या शोची निर्मिती करण जोहरच्या धर्मा प्रॉडक्शनने केली आहे.