Ankita Lokhande: अभिनेता रणदीप हुड्डाच्या (Randeep Hooda) 'स्वातंत्र्य वीर सावरकर' (Swatantra Veer savarkar) हा चित्रपट 22 मार्च रोजी थिएटरमध्ये प्रदर्शित झाला. या चित्रपटात अभिनेत्री अंकिता लोखंडेने महत्वाची भूमिका साकारली आहे. अंकितानं या चित्रपटात सावरकरांच्या पत्नी यमुनाबाईंची भूमिका साकारली आहे. तिच्या अभिनयाचं अनेकांनी कौतुक केलं आहे. 'स्वातंत्र्य वीर सावरकर' या चित्रपटासाठी अंकितानं किती मानधन घेतलं आहे? याबाबत नुकताच या चित्रपटाच्या निर्मित्यांनी खुलासा केला आहे.

अंकिता लोखंडे ही तिच्या अभिनयानं प्रेक्षकांची मनं जिंकत असते. 'पवित्र रिश्ता' या शोमधील अर्चना, 'मणिकर्णिका: द क्वीन ऑफ झांसी' मधील झलकारी बाई या अंकिताच्या भूमिकांचे प्रेक्षकांनी भरभरुन कौतुक केलं. 'स्वातंत्र्य वीर सावरकर' या चित्रपटामध्ये तिनं यमुनाबाईंची भूमिका साकारली आहे.

चित्रपटासाठी अंकितानं एक रुपयाही घेतला नाही

एका मुलाखतीत निर्माते संदीप म्हणाले, 'आमच्यासारखे निर्मात्यांना किंवा एकता कपूर, कंगना किंवा कमल जैन यांना एखाद्या कलाकाराची किती क्षमता काय आहे हे माहीत आहे. म्हणूनच आम्ही अंकितासाठी वेगवेगळ्या प्रकारच्या भूमिका घेऊन येत असतो. 'स्वातंत्र्य वीर सावरकर' या चित्रपटासाठी अंकितानं एक रुपयाही घेतला नसल्याचे निर्मात्यानी सांगितलं.

चित्रपटासाठी पैसे का घेतले नाहीत असा प्रश्न एका मुलाखतीत अंकिताला विचारण्यात आला. त्याबद्दल ती म्हणाली,"संदीप माझा खूप चांगला मित्र आहे. तो चित्रपट घेऊन माझ्याकडे आला होता. चित्रपटाच्या बजेटबद्दल तो आधीच चिंतेत होता. म्हणून मी त्याला सपोर्ट करण्याचे ठरवलं."

'स्वातंत्र्यवीर सावरकर' चित्रपटाची स्टार कास्ट

'स्वातंत्र्यवीर सावरकर' या चित्रपटात रणदीप हुड्डा, अंकिता लोखंडे, अमित सियाल यांनी प्रमुख भूमिका साकारली आहे. 'स्वातंत्र्यवीर सावरकर' या चित्रपटाची निर्मिती झी स्टुडिओज, आनंद पंडित, संदीप सिंग, रणदीप हुड्डा आणि योगेश राहर यांनी केली आहे.