Anant & Radhika : दिग्गज उद्योजक मुकेश अंबानी यांचा मुलगा अनंत अंबानीच्या लग्नाकडे अख्ख्या देशाचं लक्ष लागून राहिलय. अनंत अंबानी आणि राधिका मर्चंट आज १२ जुलै रोजी मुंबईत विवाहबंधनात अडकणार आहेत. अगदी प्री वेडिंग पासून चर्चेत असलेल्या या लग्नात अनेक आंतरराष्ट्रीय कलाकारांची हजेरी आणि त्यांचे परफॉर्मन्स लक्ष वेधून घेत आहेत. १२ जुलै रोजी होत असलेल्या विवाह सोहळ्यासाठी देखील अनेक लोकप्रिय सेलिब्रिटींची हजेरी पाहायला मिळतेय. अंबानींच्या लग्नसोहळ्याचा हा थाट काही निराळाच आहे. प्रत्येक कार्यक्रम तितक्याच थाटात आणि जल्लोषात पार पडताना दिसत आहेत. यातच जगप्रसिद्ध किम कार्दशियन देखील आपल्या बहिणीसोबत खास या लग्नासाठी मुंबईत दाखल झाली आहे.

नुकतंच लोकप्रिय सिंगर रेमा देखील मुंबईत दाखल झालाय. रेमा देखील अनंत आणि राधिकाच्या लग्नासाठी खास भारतात आलाय. बेबी काम डाउन या त्याच्या गाण्याला प्रचंड लोकप्रियता मिळाली. हाच रेमा आता अंबानींच्या कार्यक्रमात परफॉर्म देखील करणार आहे. अनंत आणि राधिकाच्या विवाहसोहळ्यात रेमा खास परफॉर्मन्स देणार असल्याचं बोललं जातय. या परफॉर्मन्ससाठी रेमाने तब्बल २५ कोटी घेतले असल्याचं बोललं जातय. या लग्नसमारंभात रेमा त्याचं लोकप्रिय गाणं 'बेबी काम डाउन' गाणार आहे. रेमा हा नाइजेरियन रॅपर, सिंगर आहे.

याशिवाय नुकतीच जॉन सीनाची देखील मुंबईत हजेरी पाहायला मिळाली. WWE स्टार जॉन सीनाने देखील या विवाहसोहळ्यात सहभागी होण्यासाठी मुंबई गाठलय. तेव्हा अनेक आंतरराष्ट्रिय कलाकारांची हजेरी आणि त्यांच्या परफॉर्मन्सी सजलेला असा हा विवाहसोहळा असणार आहे.

अनंत आणि राधिकाच्या प्री वेडिंग सोहळ्यात रिहानाने देखील हजेरी लावली होती. रिहानाने अंबानींच्या कार्यक्रमात परफॉर्म करण्यासाठी तब्बल ७४ कोटी रुपये घेतले होते. तर अनंत - राधिकाच्या संगीत कार्यक्रमात जस्टिन बीबरची हजेरी पाहायला मिळाली होती. जस्टिन बीबरने देखील संगीत कार्यक्रमात परफॉर्म केलं होतं.

तेव्हा विविध क्षेत्रातील दिग्गज मंडळी,सेलिब्रिटी आणि आंतरराष्ट्रीय स्टार्स यांच्या उपस्थितीत अनंत अंबानी आणि राधिका मर्चंट यांचा लग्नसोहळा थाटात मुंबईत पार पडतोय. या लग्नसोहळ्यात आणखी कोण हजेरी लावणार याकडे सगळ्यांचच लक्ष लागून राहिलय.