निक्की तांबोळी ‘बिग बॉस मराठी’च्या पाचव्या सिझनमध्ये फायनलमध्ये पोहोचणारी पहिली स्पर्धक ठरली आहे. काल सुरुज आणि निक्कीमध्ये जोरदार टक्कर झाली, ज्यामध्ये निक्की जिंकून फायनलमध्ये पोहोचली. इतर सदस्य आता नॉमिनेशनवर अवलंबून आहेत.

‘तिकीट टू फिनाले’ टास्कमध्ये सदस्यांना झेंडे आणण्याचे आव्हान देण्यात आले होते, ज्यात सुरुज विजयी ठरला. मात्र, अरबाजने दिलेल्या म्युच्युअल फंड्समधील कॉइन्समुळे निक्की आधीच ‘तिकीट टू फिनाले’ उमेदवार ठरली होती. यानंतर सुरुज आणि निक्कीमध्ये दुसरा टास्क झाला आणि यात निक्कीने बाजी मारली.

सध्या निक्की सोडून घरात सहा सदस्य उरले आहेत – अभिजित सावंत, अंकिता वालवलकर, धनंजय पोवार, जानव्ही किल्लेकर, सुरुज चव्हाण आणि वर्षा उसगांवकर. आता फायनलमध्ये कोण जाणार याची उत्सुकता लागली आहे.

निक्कीबद्दल कौतुक आणि टीका

निक्की फायनलमध्ये गेल्यामुळे काही चाहते टीका करत आहेत की, "भीक मागून निक्की फायनलमध्ये पोहोचली." तरी काही चाहत्यांचे म्हणणे आहे की सुरुज किंवा अंकिताने फायनलमध्ये जावे. मात्र, काही चाहत्यांनी निक्कीमुळे शोला उंची मिळाली आहे असे म्हणत तिचे कौतुक केले आहे.

maharashtrajob024 या इंस्टाग्राम पेजने व्होटींगची टक्केवाकी दिली आहे.

सुरुज – 51.55% (40856 मते)
धनंजय – 17.73% (14054 मते)
अंकिता – 12.07% (9570 मते)
जानव्ही – 5.40% (4281 मते)
पंढरीनाथ – 4.49% (3563 मते)
अभिजीत – 4.44% (3521 मते)
निक्की – 3.72% (2949 मते)
वर्षा – 0.59% (469 मते)

शोच्या पारदर्शकतेवर प्रश्न?

काही चाहत्यांनी शोच्या पारदर्शकतेवर शंका उपस्थित केली आहे. शो मनोरंजन म्हणून बघावा आणि मतं देताना विवेकबुद्धी वापरावी, असे त्यांचे म्हणणे आहे.