Bigg Boss OTT 3: बिग बॉस (Bigg Boss) या कार्यक्रमाचा चाहता वर्ग मोठा आहे. बिग बॉसचे वेगवेगळे एपिसोड्स बघायला अनेकांना आवडते. अशातच काही दिवसांपूर्वी मराठी बिग बॉसच्या पाचव्या सीझनची घोषणा करण्यात आली. बिग बॉस मराठीचे गेले चार सीझन्स महेश मांजरेकर (Mahesh Manjrekar) यांनी होस्ट केले. आता या कार्यक्रमाच्या पाचव्या सीझनचं सूत्रसंचालन रितेश देशमुख (Riteish Deshmukh) करणार आहे. अशातच आता बिग बॉस ओटीटीच्या (Bigg Boss OTT) तीसऱ्या सीझनची देखील घोषणा करण्यात आली आहे. बिग बॉस ओटीटी तीसऱ्या सीझनचा प्रोमो नुकताच सोशल मीडियावर व्हायरल झाला आहे.
बिग बॉस ओटीटी या कार्यक्रमाचा प्रोमो जिओ सिनेमाच्या सोशल मीडिया अकाऊंटवरुन शेअर करण्यात आला आहे. या प्रोमोमध्ये बिग बॉसच्या गेल्या सीझन्सची झलक दाखवण्यात आली आहे. तसेच या प्रोमोमधील एका डायलॉगनं अनेकांचे लक्ष वेधले आहे.
बिग बॉस ओटीटीच्या तीसऱ्या प्रोमोच्या शेवटी "झकास" हा अनिल कपूर यांचा डायलॉग ऐकू येत आहे. त्यामुळे सलमान खानच्या ऐवजी अनिल कपूर हे बिग बॉस ओटीटीचा तीसरा सीझन होस्ट करणार आहेत, असा अंदाज लावला जात आहे.
'बिग बॉस ओटीटी 3' हा कार्यक्रम जून महिन्यात प्रेक्षकांच्या भेटीला येणार आहे. या कार्यक्रमाची प्रेक्षक उत्सुकतेने वाट बघत आहेत. या कार्यक्रमाच्या पहिल्या सीझनचे होस्टिंग करण जोहरनं केलं होतं तर दुसरा सीझन हा सलमान खाननं होस्ट केला होता. आता 'बिग बॉस ओटीटी 3' हा कार्यक्रम कोण होस्ट करणार? याकडे अनेकांचे लक्ष लागले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.