Latest Bollywood News : अभिनेत्री मलायका अरोरा नेहमीच आपल्या सोशल मीडियावर काही न काही पोस्ट करत असते. अशातच सोशल मीडियावर अभिनेत्रीच्या चाहत्यांची संख्या देखील फार मोठी आहे. चाहत्यांच्या संपर्कात राहण्यासाठी अभिनेत्री कायम स्वतःचे फोटो आणि व्हिडीओ सोशल मीडियावर पोस्ट करत असते.

याच बरोबर मलायका प्रोफेशनल आयुष्याप्रमाणे नेहमीच खासगी आयुष्यामुळेदेखील चर्चेत असते.याचे कारण म्हणजे अरबाज खानसोबत घटस्फोट झाल्यानंतर मलायका अभिनेता अर्जुन कपूर याला डेट करत होती. मात्र आता अर्जुन याच्यासोबत देखील मलायकाचा ब्रेकअप झाल्याची चर्चा आहे.

ब्रेकअपच्या चर्चा रंगल्यानंतर मलायकाने एका मिस्ट्री मॅनसोबत फोटो पोस्ट केला होता. अशातच आता तिच्या आयुष्यात तिसऱ्या प्रेमाची एन्ट्री झाल्याची चर्चा सध्या रंगली आहे. मात्र मलायकाने याबद्दल अद्याप कोणतीही प्रतिक्रिया दिलेली नाही.

अर्जुन कपूरचा वाढदिवस

नुकताच अर्जुन कपूरचा वाढदिवस झाला. वाढदिवसानिमित्त अभिनेत्याच्या घरी पार्टी ठेवण्यात आली होती.पार्टीत अनेक सेलिब्रिटी दिसले पण मलायका अरोरा दिसली नाही. शिवाय मलायका हिने सोशल मीडियाच्या माध्यमातून अर्जुन याला शुभेच्छा देखील दिल्या नाहीत.

गेल्या अनेक दिवसांपासून मलायका – अर्जुन यांच्या ब्रेकअपची चर्चा रंगली आहे. 5 वर्ष एकमेकांना डेट केल्यानंतर अर्जुन – मलायका यांचं ब्रेकअप झाल्याच्या चर्चांना उधाण आलं आहे.