Dance Deewane 4: छोट्या पडद्यावरील 'डान्स दिवाने 4' (Dance Deewane 4) या रिॲलिटी शोचा ग्रँड फिनाले पार पडला आहे. गौरव शर्मा (Gaurav Sharma) आणि नितीन एनजे (Nitin NJ) यांनी हा रिअॅलिटी शो जिंकला आहे. दोघांना बक्षीस म्हणून 20 लाख रुपये मिळाले आहेत. 22 वर्षांचा गौरव जहान हा दिल्लीचा तर 19 वर्षांचा नितीन बेंगळुरूचा आहे. गौरव आणि नितीन हे जिंकलेल्या बक्षिसाच्या रकमेचा वापर ते कसा करणार आहे? शोमधील अनुभव याबद्दल त्यांनी एका मुलाखतीत सांगितलं आहे.

गौरव आणि नितीन जिंकलेल्या रकमेचा कसा करणार वापर?

गौरव शर्मा आणि नितीन हे दोघे 'डान्स दिवाने 4' या कार्यक्रमाची ट्रॉफी जिंकल्यानंतर खूप आनंदी झाले. गौरव आणि नितीन यांना ट्रॉफीसोबतच 20 लाखांचे बक्षीस देखील मिळाले आहे. अशातच गौरव आणि नितीन यांनी सांगितलं की, ते दोघे बक्षिसाची रक्कम अर्धी वाटून घेणार आहेत. ट्रॉफी जिंकल्यानंतर गौरव आणि नितीन यांनी ETimes शी बोलताना बक्षीसाच्या रकमेचे काय करणार हे सांगितले. जिंकलेली रक्कम नितीन हा त्याच्या पालकांना देणार आहे. तर त्यामधील काही रक्कम तो धर्मादाय कार्यासाठी देणार आहे.

गौरव म्हणाला, 'माझी स्वप्ने वेगळी आहेत. मी माझ्या मैत्रिणीसोबत फिरायला जाणार आहे. माझ्या वडिलांनी माझ्यासाठी कर्ज घेतले होते, त्यामुळे त्यांचे कर्ज मी फेडणार आहे. माझी दुसरी इच्छा एक छोटी कार घेण्याची आहे."

गौरव आणि नितीन, युवराज आणि युवंश, चिराश्री आणि चैनवीर, श्रीरंग आणि वर्षा, दिव्यांश आणि हर्ष, काशवी आणि तरनजोत यांच्यासोबतच या शोच्या ग्रँड फिनालेमध्येही पोहोचले होते. पण डान्स दिवानेच्या या सीझनची ट्रॉफी गौरव आणि नितीन यांनी जिंकली आहे.