IPL match: सध्या संपूर्ण देशात आयपीएलची (IPL) क्रेझ बघायला मिळत आहे. क्रिकेटप्रेमी आयपीएलची मॅच आवडीनं बघत आहेत. आयपीएल मॅचचे तिकीट मिळवण्याचा अनेक जण प्रयत्न करत आहेत. अशातच आता आयपीएल मॅचदरम्यानचा एक फोटो सोशल मीडियावर व्हायरल झाला आहे. या फोटोमध्ये एक तरुणी समोर आयपीएल मॅच सुरु असताना मोबईलमध्ये लोकप्रिय मालिका बघताना दिसत आहे.

फोटो व्हायरल

ट्विटरवर (X) एक फोटो सध्या प्रचंड व्हायरल होत आहे. या फोटोमध्ये एक तरुणी आयपीएल मॅचदरम्यान फोनमध्ये फ्रेंड्स ही लोकप्रिय मालिका बघताना दिसत आहे. या तरुणीच्या फोटोला कॅप्शन देण्यात आलं, "विश्वास बसत नाही की, ही मुलगी आयपीएल सामन्यादरम्यान फ्रेंड्स बघत आहे."

फोटो पाहून नेटकरी चक्रावले

आयएपीएल मॅचदरम्यानचा तरुणीचा फोटो पाहून नेटकरी चक्रावले आहेत. या फोटोला एका नेटकऱ्यानं कमेंट केली, "हे अविश्वसनीय नाहीये. फ्रेंड्स बघणे हे अनेकांसाठी एखादी थेरिपी घेण्यासारखं आहे. त्यामुळे त्या मुलीला मी दोष देणार नाही!" तर दुसऱ्या युझरनं कमेंट केली, "काहीजण फक्त कॅमेऱ्यात कैद होण्यासाठी मॅच बघायला जातात."

"या लोकांना मॅचचं तिकीट देऊ नका!" अशी कमेंट देखील एका नेटकऱ्यानं व्हायरल झालेल्या फोटोला केली आहे. सोशल मीडियावर व्हायरल झालेल्या फोटोला चार हजारपेक्षा जस्त लाइक्स मिळाले आहेत.

'फ्रेंड्स' आजही लोक आवडीनं बघतात

फ्रेंड्स ही टीव्ही मालिका प्रेक्षक आजही आवडीनं बघतात. फ्रेंड्स ही एक विनोदी मालिका आहे. यामध्ये रेचल,मोनीका,फिबी,जोई, चँडलर, रॉस यांचा कथा दाखवण्यात आली आहे. या मालिकेत रेशल ग्रीन,कोर्टनी कॉक्स,लिसा कुड्रो, मॅट लब्लांक, मॅथ्यू पेरी आणि डेव्हिड श्विमर यांनी प्रमुख भूमिका साकारली आहे.