सिनेसृष्टीसाठी सगळ्यात महत्त्वाचं ठिकाण म्हणजे मुंबई. सिनेसृष्टीतील सगळे प्रोडक्शन हाऊस हे मुंबईतच आहे. त्यामुळे सगळ्या कलाकरांचं वास्तव्य हे मुंबईतच असतं. दरम्यान मुंबई सुरक्षित आहे की यावर नेहमी वाद सुरु असतो. दरम्यान अशातच आता 'द राजा साहब' चित्रपटातील अभिनेत्री याबाबत सविस्तर बोलली आहे. तिने तिच्यासोबत झालेला अनुभव सर्वांसोबत शेअर केला आहे.

मालविका म्हणाली की, 'लोक नेहमी म्हणतात की, महिलांसाठी मुंबई सुरक्षित आहे. परंतु मी यावर बोलणार आहे. मी जेव्हा कॉलेजमध्ये होते. तेव्हा माझा रोजचा प्रवास हा मुंबई लोकल ट्रेन आणि बसने असायचा. तेव्हा मी पुर्णपणे स्वत:ला सुरक्षित समजत नव्हते. परंतु मला रोज आशा असायची की आजचा दिवस तरी चांगला जाईल.'

पुढे बोलताना मालविका म्हणाली की, 'मी एकदा माझ्या दोन मैत्रिणीसोबत मुंबई लोकलने प्रवास करत होते. त्यावेळी रात्रीचे 9:30 झाले असतील. मी फर्स्ट क्लासच्या महिला डब्यात खिडकीजवळ बसले होते. तेव्हा अचानक एक व्यक्ती माझ्या खिडकीजवळ आला आणि मला म्हणाला, 'एक चुम्मा देगी क्या?' मी तेव्हा हैराण झाले. तेव्हा मला फार असुरक्षित वाटलं.'

दरम्यान मालविका हिच्या लोकल ट्रेनमधील धक्कादायक अनुभवावर मुंबई पोलिसांनी तिच्या पोस्टवर सविस्तर प्रतिक्रिया दिली आहे. पोलिसांनी तिला धीर देत पुढील वेळेस तातडीने 112 किंवा 100 वर संपर्क करण्याचं आवाहन केलं आहे. तसंच गुन्हेगारी न सांगणं हे गुन्हेगाराला समर्थन केल्यासारखं असल्याचंही ते म्हणालेत.