दिग्दर्शक गोविंद मेनन यांच्या ‘ख्वाहिश’ या चित्रपटाद्वारे अभिनेत्री मल्लिका शेरावतने हिंदी चित्रपटसृष्टीमध्ये जरी पदार्पण केले असले तरी तिला अधिक प्रसिद्धी आणि स्टारडम प्राप्त झाले ते ‘मर्डर’ या चित्रपटामुळे. २००४ मध्ये आलेल्या या चित्रपटाने तिला रातोरात स्टार बनविले. या चित्रपटातील गाणी गाजली आणि तिचा किसिंग सीन चर्चेचा विषय ठरला

आता ती चर्चेत आहे ‘विकी विद्या का वो वाला व्हिडिओ’ या चित्रपटामुळे. या चित्रपटामध्ये तिने छोटीशी भूमिका केली आहे आणि त्यातच तिने दिलेल्या एका मुलाखतीमुळे ती चर्चेत आली आहे.

तिने साऊथ इंडस्ट्रीमध्ये काम करण्याचा तिचा अनुभव शेअर केला. साऊथमधील एका चित्रपटाच्या गाण्याचे चित्रीकरण होते. दिग्दर्शकाने या गाण्यामध्ये तिचा हाॅटनेस दाखवायचा असे ठरविले होते.

त्यांना तिने सीन काय आहे, असे विचारले आणि तो सीन ऐकल्यानंतर मल्लिका थक्कच झाली आणि तिने तो चित्रपटच नाकारला. तिने आपल्या एका मुलाखतीमध्ये ही माहिती दिली आहे.