Abhijeet Kelkar : विनेश फोगटला कुस्तीची फायनल खेळण्यासाठी अपात्र ठरवण्यात आले आहे. अंतिम सामन्यापूर्वी केल्या जाणाऱ्या तपासणीत विनेशचे वजन मर्यादेपेक्षा १०० ग्रॅम अधिक आढळले आहे त्यामुळे तिला फायनलसाठी अपात्र ठरवण्यात आलं आहे. इतकंच नाही तर रौप्य पदकही तिला मिळणार नसल्यामुळे भारताचं ऑलिम्पिकमधील एका पदकाचं स्वप्नं अधुरं राहील आहे. यातच मराठी अभिनेत्याची पोस्ट व्हायरल होत असून त्याने विनेशची माफी मागितली.

अभिजीतची पोस्ट

सोशल मीडियावर अभिजीतने विनेशसाठी पोस्ट शेअर करत म्हंटलं कि,"आम्ही चुकलो...मानवनिर्मित देवदेवतांची पूजा करत राहिलो, तुझ्यातल्या स्त्रीत्वाला पायदळी तुडवलं, तुझ्यावर अत्याचार केले... पण तू हरली नाहीस. खरंतर तुझी माफी मागायचीही आमची लायकी नाही... तुझ्यातल्या स्त्रीशक्तीला साष्टांग दंडवत" अभिजीतची ही पोस्ट सध्या चर्चेत आहे.

गेल्या वर्षी विनेशने भारताच्या कुस्तीपटूंनी कुस्तीपटू महासंघाचे अध्यक्ष ब्रिजभूषण सिंह यांच्याविरोधात केलेल्या आंदोलनात सहभाग घेतला होता. तिने आणि साक्षी मलिकने या आंदोलनाचं नेतृत्व केलं होतं आणि तिच्यावर लाठीचार्ज सुद्धा झाला होता पण आता तिने इतिहास बदलण्याचा प्रयत्न केला.

विनेशने जपानच्या युई सुसाकीचा ३-२ असा पराभव करून थेट अंतिम फेरीत मजल मारली होती. विनेश ऑलिम्पिकमध्ये मेडल मिळवणार हे जवळपास निश्चित झालं होतं. देशभरातून तिच्यावर अभिनंदनाचा वर्षाव होत होता पण या छोट्याशा धक्क्याने सगळ्यांचीच निराशा केली.

अभिजीतबरोबरच तेजस्विनी पंडित, चेतन वढनेरे, पल्लवी पाटील, सोहा अली खान या कलाकारांनी सोशल मीडियावर पोस्ट करत विनेशच अभिनंदन केलं होतं पण अंतिम फेरीसाठी विनेश अपात्र ठरल्याने सगळ्यांनाच खूप मोठा धक्का बसला आहे तर विनेशच्या कुटूंबाने ऑलिम्पिक समिती आणि सरकारच षडयंत्र असल्याचं म्हंटलं आहे.