सध्या सोशल मीडियाला एकच चर्चा सुरू आहे ती म्हणजे 'मिर्झापूर ३'ची. मिर्झापूर या लोकप्रिय सीरिजचा तिसरा सीझन ५ जुलै रोजी प्रेक्षकांच्या भेटीला येणार आहे. यातील प्रत्येक पात्र प्रेक्षकांचं आवडतं आहे. सस्पेन्स, थ्रिलर यांसगळ्याचं योग्य मिश्रण असलेला मिर्झापूर पाहण्यासाठी प्रेक्षक उत्सुक आहेत. कालीन भैया, गुड्डू पंडित, गोलू, बीना त्रिपाठी सगळेच त्यांच्या भूमिकेतून प्रेक्षकांची झोप उडवणार आहेत. मात्र या सीरिजसाठी कोणत्या कलाकाराने किती मानधन घेतलं आहे हे तुम्हाला ठाऊक आहे का?

मिर्झापूर ३ च्या कलाकारांच्या मानधनाचा नेमका आकडा समोर आला नसला तरी मागच्या सीझनच्या मानधनापेक्षा त्यांना यावेळेस जास्त मानधन मिळालं आहे. तर काही नवीन चेहरेही प्रेक्षकांना पाहायला मिळणार आहे.

रसिका दुग्गल

देशी ट्रोल्सच्या माहितीनुसार, रसिका दुग्गल या सीरिजमध्ये बीना त्रिपाठीच्या भूमिकेत दिसतेय. तिने या भूमिकेसाठी प्रत्येक भागाचे २ लाख रुपये घेतले आहेत.

अली फझल

अली फझल या सीरिजमध्ये गुड्डू पंडितच्या भूमिकेत आहे. त्याने प्रत्येक एपिसोडसाठी १२ लाख एवढं मानधन घेतलं आहे.

जितेंद्र कुमार

या सीझनमध्ये अभिनेता जितेंद्र कुमारही दिसणार आहे. त्याने प्रत्येक भागासाठी ४ लाख रुपये घेतले आहेत.

पंकज त्रिपाठी

अभिनेते पंकज त्रिपाठी यांनी या सीरिजसाठी सगळ्यात जास्त मानधन घेतलं आहे. प्रेक्षकांच्या लाडक्या कालीन भय्या यांनी एकूण १० कोटींचं मानधन घेतलं आहे.

श्वेता त्रिपाठी

सीरिजमधील गोलू म्हणजेच अभिनेत्री श्वेता त्रिपाठी हिने मिर्झापूर ३'च्या प्रत्येक भागासाठी २ लाख २० हजार रुपये इतकं मानधन घेतलं आहे.