Mrunmayee Deshpande And Gautami Deshpande: मराठी इंडस्ट्रीतील सगळ्यात जास्त प्रसिद्ध बहिणींची जोडी म्हणजे गौतमी देशपांडे (Gautami Deshpande) आणि मृण्मयी देशपांडे (Mrunmayee Deshpande). एकमेकींशी सतत भांडणाऱ्या पण एकमेकांवर तितकंच प्रेम करणाऱ्या या बहिणींची नोकझोक सोशल मीडियावरसुद्धा चर्चेत असते.

काल म्हणजे 10 एप्रिलला वर्ल्ड सिबलिंग डे (Siblings Day) होता या निमित्ताने मृण्मयीने तिचा आणि गौतमीचा एक खास व्हिडीओ सोशल मीडियावर शेअर केला. या व्हिडीओमध्ये गौतमी मृण्मयीकडून डोकं थोपटून घेताना दिसतेय पण गौतमीने तसं करणं थांबवल्यावर त्यांची मारामारी होते आणि आई मृण्मयीला ओरडते हे पाहायला मिळालं.

पहा व्हिडीओ:

मृण्मयी आणि गौतमीच्या व्हिडीओवर नेटकऱ्यांच्या कमेंट्स

मृण्मयीने या व्हिडिओला "आजच्या दिवशी हे तर post केलंच पाहिजे", सर्व लहान भावंडांना अर्पित असं कॅप्शन दिलंय. तिने शेअर केलेल्या या व्हिडिओवर अनेकांनी कमेंट्स करत वेगवेगळ्या प्रतिक्रिया दिल्या. एक युजरने तर चक्क "या दोघी नवऱ्याच्या घरी राहत नाहीत का?" असा प्रश्न विचारला त्यावर गौतमीने उत्तरादाखल हसण्याचे इमोजी शेअर केले. तर एकाने "यांची भांडणं कधी संपायची?" असा प्रश्न केला.

याआधीही मृण्मयी आणि गौतमीने एकमेकींसोबत भांडण करतानाचे, मस्ती करतानाचे व्हिडीओज शेअर केले होते. त्यांचे तेही व्हिडीओज व्हायरल झाले होते.

गौतमीने स्वानंदसोबत बांधली लग्नगाठ

काही महिन्यांपूर्वीच गौतमीने स्वानंद तेंडुलकरशी लग्नगाठ बांधली. पुण्यातील एका रिसॉर्टमध्ये त्यांचा लग्नसोहळा थाटात पार पडला. तिच्या लग्नानंतर मृण्मयीने सोशल मीडियावर तिच्यासाठी लिहिलेली इमोशनल पोस्ट चर्चेत होती.

मृण्मयीने आजवर अनेक सिनेमांमध्ये काम केलं आहे. कट्यार काळजात घुसली, चंद्रमुखी, सुभेदार, नटसम्राट हे तिचे सिनेमे खूप गाजले. चंद्रमुखी सिनेमातील तिने साकारलेली डॉली देशमाने ही भूमिका सगळ्यांना खूप गाजली. तिचा या सिनेमातील अभिनय सगळ्यांना आवडला. मनफकिरा या सिनेमाचं तिने लेखन दिग्दर्शन केलं होतं पण लॉकडाऊनमुळे हा सिनेमा फार चालला नाही. आणि आता ती स्वरगंधर्व सुधीर फडके या सिनेमातून प्रेक्षकांच्या भेटीस येतेय. या सिनेमात ती बापूजींच्या पत्नीची भूमिका साकारणार आहे. तर मृण्मयीची बहीण गौतमीने मालिकेतून अभिनयक्षेत्रात पदार्पण केलं. 'सारे तुझ्याचसाठी' या सोनी मराठीवरील मालिकेत तिने पहिल्यांदा काम केलं. या मालिकेत तिने हर्षद अतकरीसोबत काम केलं. त्यानंतर ती झी मराठीवरील माझा होशील ना या मालिकेतून प्रेक्षकांच्या भेटीस आली. या मालिकेतील तिची आणि विराजसची जोडी सगळ्यांना खूप आवडली. या मालिकेचं शीर्षकगीतसुद्धा खूप गाजलं. गौतमी एक उत्तम गायिका सुद्धा आहे. सोशल मीडियावर ती कायम तिने गायलेल्या गाण्यांचे रील्स शेअर करत असते. हे रील्स चाहत्यांना खूप पसंत पडतात.