Orry: सोशल मीडियावर गेल्या काही दिवसांपासून ओरीची (Orry) चर्चा होत आहे. ओरीचं खरं नाव ओरहान अवात्रामणी असं आहे. ओरी हा लोकप्रियतेच्या बाबतीत सध्या अनेक सेलिब्रिटींना टक्कर देत आहे. ओरी विविध पार्ट्यांमध्ये तसेच इव्हेंटमध्ये हजेरी लावत असतो. या पार्ट्यांमधील फोटो आणि व्हिडीओ तो सोशल मीडियावर शेअर करतो. ओरीची अनेक सेलिब्रिटींसोबत मैत्री आहे. ओरी नेमकं काय काम करतो? असा प्रश्न अनेकांना पडला आहे. पण एका मुलाखतीत ओरीनं तो 'लिव्हर' असल्याचं सांगितलं होतं. अशातच आता एका मुलाखतीत ओरीनं त्याच्या वैयक्तिक आयुष्याबद्दल सांगितलं आहे. तसेच ओरीनं या मुलाखतीत त्याच्या मानधनाबद्दल देखील भाष्य केलं आहे.

ओरीने भारती सिंग आणि हर्ष लिंबाचिया यांच्या पॉडकास्टमध्ये हजेरी लावली. यावेळी भारती म्हणाली की, ओरीने कोणत्याही चित्रपटात काम केलं नाही, तरीही त्याने एका वर्षात बरीच प्रसिद्ध मिळाली. यावेळी भारतीनं ओरीला त्याच्या मानधनाबद्दल देखील विचारलं. यावेळी ओरी म्हणाला, "मी एक फोटो काढण्यासाठी 20 लाख रुपये घेते आणि इव्हेंटमध्ये हजेरी लावण्यासाठी 25 लाख मानधन घेतो."

ओरीनं 'बिग बॉस 17' मध्ये देखील हजेरी लावली होती. यावेळी देखील सलमान खानसोबत गप्पा मारताना ओरीनं त्याच्या मानधनाबद्दल सांगितलं होतं.

ओरीची सोशल मीडियावर प्रचंड लोकप्रियता आहे. त्याच्या सोशल मीडियावरील पोस्टवर नेटकरी लाइक्स आणि कमेंट्सचा वर्षाव करत असतात. ओरी हा त्याच्या सोशल मीडिया अकाऊंटवर अनेक सेलिब्रिटींसोबतचे फोटो शेअर करतो. त्याला इन्स्टाग्रामवर 1 मिलियन फॉलोवर्स आहेत.