OTT Release This Weekend: यंदा वीकेंडला (Weekend) प्रेक्षकांना ओटीटीवर (OTT) मनोरंजनाची मेजवानी मिळणार आहे. या आठवड्यात विविध विषयांवर आधारित असणारे चित्रपट (Movie) आणि वेब सीरिज (Web Series) ओटीटी प्लॅटफॉर्मवर रिलीज झाले आहेत. हे चित्रपट आणि वेब सीरिज तुम्ही घरबसल्या आपल्या कुटुंबासोबत तसेच मित्र-मैत्रिणींसोबत पाहू शकतात. जाणून घेऊयात ओटीटीवर रिलीज झालेल्या चित्रपटांबद्दल आणि वेब सीरिजबद्दल...
बॉलिवूडमधील प्रसिद्ध अभिनेता सिद्धार्थ मल्होत्रा, अभिनेत्री राशि खन्ना आणि दिशा पटानी यांचा योद्धा हा चित्रपट ओटीटीवर रिलीज झाला आहे. हा चित्रपट मार्च महिन्यात थिएटरमध्ये रिलीज झाला होता. आता ज्यांनी हा चित्रपट थिएटरमध्ये पाहिला नाही ते आता हा चित्रपट ओटीटीवर पाहू शकणार आहेत. हा चित्रपट तुम्ही ॲमेझॉन प्राइम व्हिडीओ या ओटीटी प्लॅटफॉर्मवर घरबसल्या पाहू शकता.
अभिनेता फहाद फासिलचा आवेशम हा मल्याळम चित्रपट ब्लॉकबस्टर ठरला. या चित्रपटानं बॉक्स ऑफिसवर कोट्यवधींची कमाई केली. हा ॲक्शन-कॉमेडी चित्रपट ॲमेझॉन प्राइम व्हिडीओ या ओटीटी प्लॅटफॉर्मवर रिलीज झाला आहे. जीतू माधवन यांनी या चित्रपटाचे दिग्दर्शन केले आहे.
लेखक जेरी पिंटो यांच्या पुस्तकावर आधारित असणारी 'मर्डर इन माहिम' ही वेब सीरिज जियो सिनेमा या ओटीटी प्लॅटफॉर्मवर रिलीज झाली आहे.या वेब सीरिजमध्ये आशुतोष राणा, शिवाजी साटम, विजय राज हे कलाकार महत्वाची भूमिका साकारणार आहेत.
आशिष आर शुक्लाच्या 'अनदेखी 3' या वेब सीरिजमध्ये हर्ष छाया, वरुण बडोला, सूर्या शर्मा, अंकुर राठी, आंचल सिंग, एन झोया आणि शिवांगी सिंग या कलाकारांच्या भूमिका आहेत. 'अनदेखी 3' ही वेब सीरिज 10 मे रोजी सोनी लिव्ह या अॅपवर प्रदर्शित होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.