Hania Amir With Badshah: हिंदी मनोरंजनसृष्टीतील प्रसिद्ध रॅपर आणि गायक बादशाह हा सध्या त्याच्या वैयक्तिक आयुष्यामुळे चर्चेत आहेत. बादशाह आणि पाकिस्तानी अभिनेत्री हानिया आमिर (Hania Amir) यांच्या डेटिंगची चर्चा गेल्या काही दिवसांपासून सोशल मीडियावर होत आहे. नुकतेच हानियानं बादशाहसोबतचे (Badhshah) काही फोटो सोशल मीडियावर शेअर केले आहेत. या फोटोमध्ये हानिया आणि बादशाह हे दोघे दुबई ट्रीप एन्जॉय करताना दिसत आहेत. हानिया आणि बादशाह यांच्या दुबई ट्रीपचे फोटो सोशल मीडियावर व्हायरल झाल्यानंतर आता हे दोघे एकमेकांना डेट करत आहेत का? असा प्रश्न चाहत्यांना पडला आहे.

हानियानं शेअर केले फोटो

हानिया आमिरने इंस्टाग्रामवर काही फोटो शेअर केले आहेत. या फोटोंमध्ये ती बादशाहसोबत दिसत आहे. हानियाने फोटोमध्ये तिच्या आणि बादशाहच्या शॉपिंग डेट आणि डिनरडेटची झलक दाखवली आहे. या फोटोला हानियानं कॅप्शन दिलं, 'चंदीगडहून रेसक्यू आला आहे'

हानिया आणि बादशाहच्या व्हिडीओनं वेधलं लक्ष

हानियाने एक क्यूट आणि मजेदार व्हिडीओ पोस्ट केला आहे. या व्हिडीओमध्ये बादशाह आणि ती गाणी गाताना दिसत आहेत. व्हिडीओमध्ये हानिया म्हणते की, हे बादशाहचं कॉन्सर्ट आहे आणि मी एक प्रेक्षक आहे. यानंतर दोघेही हसताना.या व्हिडीओला हानियानं कॅप्शन दिलं, 'कॉन्सर्ट टाइम'.

बादशाह आणि हानिया यांनी त्यांच्या नात्याबद्दल अजून कोणतीही माहिती चाहत्यांना दिली नाहीये. पण त्यांच्या डेटिंगची चर्चा मात्र सध्या सोशल मीडियावर होत आहे.

बादशाहची 2024 मध्ये बरीच गाणी रिलीज झाली. ज्यात डाकू, सोलमेट, गॉड डॅम आणि ओ सजना यांचा समावेश आहे. तर हानिया ही पाकिस्तानी मनोरंजनसृष्टीतील प्रसिद्ध अभिनेत्री आहे. इश्किया, मेरे हमसफर, तितली, फिर वही मोहब्बत या मालिकांमध्ये काम केलं आहे.