गेल्या वर्षभरात अनेक मराठी कलाकार व्यवसाय क्षेत्राकडे वळताना दिसले. अनेकांनी स्वतःचे व्यवसाय सुरू केले. कुणी नवीन हॉटेल सुरू केलं तर कुणी साड्यांचा ब्रँड सुरू केला. कुणी दागिन्यांचा ब्रँड सुरू केला तर कुणी फार्महाउस सुरू केलं. आता या कलाकारांच्या यादीत आणखी एका कलाकाराचा समावेश झाला आहे. लोकप्रिय मराठमोळे गायक सलील कुलकर्णी यांनी स्वतःचा व्यवसाय सुरू केला आहे. सलील यांनी पुण्यात नुकतंच त्यांच्या नव्या हॉटेलचं उदघाटन केलं आहे. त्यांच्या आईच्या हस्ते त्यांनी या हॉटेलचं उदघाटन केलं आहे.

सलील कुलकर्णी हे मराठी सिनेसृष्टीतील लोकप्रिय गायक, संगीतकार, गीतकार आणि दिग्दर्शक आहेत. त्यांनी आता आपल्या आयुष्यातील नवीन इनिंग सुरू केली आहे. त्यांनी पुण्यात सिंहगड रोड खाऊगल्ली येथे नवीन हॉटेल सुरू केलं आहे. या हॉटेलचं नाव बँगलोर कँटीन आहे. त्यांनी ३० जून रोजी एक पोस्ट करत याबद्दल माहिती दिली होती. हा व्हिडिओ शेअर करत त्यांनी लिहिलं, 'वर्ल्ड कप जिंकलोय… सगळे खुशीत आहेत. तुम्हा सगळ्यांना दोन चांगल्या बातम्या सांगायला याहुन उत्तम मूड आणि नेमका दिवस असुच शकत नाही. एक नवीन स्पेशल व्हेंचर आणि नवीन चित्रपट.'

उया व्हिडिओमध्ये ते म्हणतात, ' पुण्यातील बँगलोर कँटीन या हॉटेलची चव त्यांना विशेष आवडली होती. त्याठिकाणचा डोसा आणि कॉफी पिऊन त्यांना असे वाटलेले की यामध्ये आपलाही सहभाग हवा. म्हणून ते आता 'बँगलोर कँटीन' या व्हेंचरशी जोडले गेले आहेत. त्यांनी या हॉटेलची नवीन शाखा सिंहगडच्या खाऊगल्लीमध्ये सुरू केली आहे. . या उद्घाटनावेळचा फोटो शेअर करताना त्यांनी लिहिलं की, 'लहानपणी आई आम्हाला डोसा खायला घेऊन जायची. काल आम्ही तिच्या हस्ते बँगलोर कँटीनचं उद्घाटन केलं.' आता चाहते त्यांच्यावर शुभेच्छांचा वर्षाव करत आहेत.