Premachi Goshta: स्टार प्रवाह वाहिनीवरील सध्या सगळ्यात जास्त चर्चेत असलेली मालिका म्हणजे प्रेमाची गोष्ट (Premachi Goshta). तेजश्री प्रधान (Tejashree Pradhan), राज हंचनाळे (Raj Hanchanale) आणि अपूर्वा नेमळेकर (Apurva Nemlekar) यांची मुख्य भूमिका असलेल्या या मालिकेने पहिल्यापासूनच प्रेक्षकांची पसंती मिळवली आहे. मुक्ता, सई आणि सागर यांच्या नात्याची गोष्ट असलेली ही मालिका त्यातील ट्विस्ट अँड टर्न्स मुळे कायमच चर्चेत असते आणि आता या मालिकेत नवीन ट्विस्ट येणार आहे.

15 एप्रिल 2024 ला या मालिकेचा महाएपिसोड प्रेक्षकांना पाहायला मिळणार असून मालिकेत आता नवीन वळण येणार आहे. कार्तिकचा खरा चेहरा मुक्तांसमोर आता उघड होणार आहे. मुक्ता घरी एकटी असताना कार्तिक तिच्यावर जबरदस्ती करण्याचा प्रयत्न करतो. तर राज तेव्हाच घरी पोहोचतो आणि त्याला समोरचं दृश्य पाहून धक्का बसतो.

पहा प्रोमो:

कार्तिकचं खरं रूप सागरसमोर येणार का? सागर मुक्ताला कार्तिकपासून वाचवू शकेल का? या सगळ्या प्रश्नांची उत्तरं मालिकेच्या आगामी भागात मिळतील. कार्तिक हा सागरच्या बहिणीचा नवरा असून या आधीही त्याने मुक्ताशी जवळीक साधण्याचा प्रयत्न केल्याचं मालिकेच्या मागील काही भागांमध्ये दाखवण्यात आलंय त्यातच इंद्राला मुक्ताचं बाहेर अफेअर सुरु असल्याचा संशय आहे. त्यामुळे ती मुक्तावर नजर ठेवून आहे. त्यामुळे मुक्ता तिचा खरेपणा सिद्ध करू शकेल का? कोमलला कार्तिकचं खरं रूप समजेल का? याची उत्तर जाणून घेण्यासाठी प्रेक्षकांना काही काळ वाट पाहावी लागेल.

सध्या मालिकेत सईला सागर आणि मुक्तापासून लांब करण्यासाठी सावनी सर्व प्रकारचे प्रयत्न करताना दिसतेय. सावनीला तिच्या प्लॅनमध्ये यश मिळणार का? हे पाहण्यासाठी पाहायला विसरू नका प्रेमाची गोष्ट सोमवार ते शनिवार रात्री 8 वाजता फक्त स्टार प्रवाहवर.