Karan Aujla London Viral Video: 'बॅड न्यूज' चित्रपटातील तौबा-तौबा हे लोकप्रिय गाणे गाणारा पंजाबी गायक करण औजला सध्या यूके दौऱ्यावर आहे. लंडनमध्ये त्यांचा कॉन्सर्ट सुरू होता. यावेळी प्रेक्षकांमधून कोणतरी कोणीतरी बूट फेकला. याननंतर संतापलेल्या करण औजलाने स्टेजवरूनच शिवीगाळ करण्यास सुरुवात केली. इतकेच नव्हे तर बूट फेकणाऱ्याला स्टेजवर येण्याचे आव्हानही दिले.

करण औजला लंडन शो दरम्यान स्टेजवर परफॉर्म करत होता. यादरम्यान डाव्या बाजूने एक पांढरा बुट स्टेजच्या दिशेने आला आणि थेट करण औजलाच्या चेहऱ्यावर आदळला. यानंतर करण औजला संतापला.

या घटनेच्या व्हायरल झालेल्या व्हिडिओमध्ये दिसत आहे की, लाइव्ह शो दरम्यान, गर्दीतून कोणीतरी बूट फेकतो आणि तो करण औजलाच्या चेहऱ्याला लागतो. बुटाचा फटका लागल्यानंतर तो खूप अस्वस्थ होतो आणि गाणे थांबवतो, स्टेजवरून बूट खाली फेकतो आणि नंतर फेकणाऱ्याला आव्हान देत म्हणतो, "हिंमत असेल तर स्टेजवर या. आणि लढा."

या घटनेचा व्हिडिओ सध्या व्हायरल होत आहे. हा व्हिडिओ पाहिल्यानंतर, एक युजर हे प्रकरण स्क्रिप्टेड असल्याचे म्हणत आहे तर काही लोक गायकासोबत घडलेल्या या घटनेबद्दल खेद व्यक्त करत आहेत.

करण औजला हा पंजाब फिल्म इंडस्ट्रीतील एक प्रसिद्ध गायक आहे. करणने आतापर्यंत अनेक हिट पंजाबी गाणी दिली आहेत. त्याचबरोबर करणचे 'तौबा तौबा' हे बॉलिवूड गाणेही चाहत्यांना खूप आवडले आहे.

'तौबा तौबा' या गाण्याला यूट्यूबवर आतापर्यंत 241 मिलियन व्ह्यूज मिळाले आहेत. आताही हे गाणे खूप पसंत केले जात आहे.