Salman Khan: अभिनेता सलमान खान (Salman Khan) हा दरवर्षी ईदच्या दिवशी चाहत्यांना चित्रपटाची ट्रीट देतो. पण यंदा सलमानचे चाहते नाराज झाले आहेत कारण ईदला त्याचा चित्रपट रिलीज झाला नाही. पण आता सलमाननं ईदनिमित्त चाहत्यांना खास गिफ्ट दिलं आहे. सलमाननं त्याच्या आगामी चित्रपटाची घोषणा केली आहे. त्यामुळे आता सलमानच्या चाहत्यांना आनंद झाला आहे.

सलमाननं केली 'सिकंदर' ची घोषणा

सलमाननं सोशल मीडियावर पोस्ट शेअर करुन त्याच्या सिकंदर या चित्रपटाची घोषणा केली आहे. सलमाननं पोस्टमध्ये लिहिलं, "इस ईद 'बड़े मियां छोटे मियां' और 'मैदान' को देखो और अगली ईद सिकंदर से आ कर मिलो... आप सभी को ईद मुबारक!" सलमानच्या या पोस्टवर नेटकऱ्यांनी लाइक्स आणि कमेंट्सचा वर्षाव केला आहे.

कधी रिलीज होणार सिकंदर?

ए.आर. मुरुगदास सिकंदर या चित्रपटाचं दिग्दर्शन करणार आहेत तसेच या चित्रपटाची निर्मिती साजिद नाडियादवाला करणार आहे. सिकंदर हा चित्रपट पुढच्या वर्षी ईदला रिलीज होणार आहे.

साजिद आणि सलमानचे चित्रपट

सिकंदर या चित्रपटाच्या आधी देखील निर्माता साजिद नाडियादवाला आणि सलमान खान यांनी एकत्र काम केले आहे. जुड़वा, मुझसे शादी करोगी, किक या साजिद आणि सलमान यांच्या चित्रपटांना प्रेक्षकांची पसंती मिळाली. आता त्यांच्या सिकंदर या चित्रपटाची प्रेक्षक उत्सुकतेने वाट बघत आहेत.

ए.आर. मुरुगदास हे त्यांच्या गजनी, हॉलिडे: अ सोल्जर इज नेव्हर ऑफ ड्यूटी या चित्रपटांसाठी ओळखले जातात. त्यांनी अनेक तमिळ ब्लॉकबस्टर चित्रपट दिले आहेत. त्यांचा सिकंदर हा चित्रपट देखील हिट होणार का? याकडे आता अनेकांचे लक्ष लागले आहे.

सलमानचे आगामी चित्रपट

सिकंदर व्यतिरिक्त, किक 2, पठाण वर्सेज टायगर हे देखील सलमानचे चित्रपट प्रेक्षकांच्या भेटीला येणार आहे. सलमानच्या आगामी चित्रपटांची प्रेक्षक उत्सुकतेने वाट बघत आहेत.