Sankarshan Karhade: मराठी सिनेसृष्टीतील प्रसिद्ध अभिनेता संकर्षण कऱ्हाडे (Sankarshan Karhade) हा सध्या नियम व अटी लागू या त्याच्या नाटकातून प्रेक्षकांच्या भेटीला येत आहे. संकर्षणच्या या नाटकाला प्रेक्षकांचा चांगला प्रतिसाद मिळत आहे. या नाटकाचा प्रयोग काही दिवसांपूर्वी अकलूज येथे झाला. या प्रयोगाला सैराट फेम अभिनेत्री रिंकू राजगुरुनं (Rinku Rajguru) तिच्या कुटुंबासोबत हजेरी लावली आहे. संकर्षणनं रिंकूसोबतचे फोटो सोशल मीडियावर शेअर केले आहेत. या फोटोला संकर्षणनं खास कॅप्शन दिले आहेत.

संकर्षणनं शेअर केले फोटो

संकर्षणनं रिंकू आणि तिच्या कुटुंबासोबतचे फोटो सोशल मीडियावर शेअर केले आहेत. या फोटोला तिनं कॅप्शन दिलं, "काल अकलूजचा प्रयोग जोरदार झाला, प्रेक्षकांचा खूप अप्रतिम प्रतीसाद मिळाला . almost Houseful होता आणि काल प्रेक्षकांमध्य् स्पेशल गेस्ट पण होती…. रिंकू राजगुरू. मी अकलूजला येतोय म्हणल्यावर स्वतःहून नाटकाला येते म्हणाली, “माझ्या शहरांत तुझं स्वागत आहे .. शहरांत काहीही लागलं तरी हक्काने सांग म्हणाली..” आई बाबांना घेउन आली.. प्रयोग पाहून हसली , रडली , कौतुक करुन गेली..."

"तीचा सैराट आला तेंव्हा “आम्ही सारे खवय्ये” मध्ये पाहूणी म्हणून आली आणि आमची ओळख झाली. आता चांगले चांगले सिनेमे करते… लोकप्रियता तर काय विचारायलाच नको …. पण तरीही स्वतःहून कळवून , येउन , भेटून, विचारपुस करुन, कौतुक करुन गेली.. आणि विशेष म्हणजे “मी पहिल्यांदा स्क्रीनवर दिसले ती तुझ्यासोबत “खवय्ये” मध्ये असं पण म्हणाली.. छान वाटलं. ह्या सगळ्या तीच्या वागण्या बोलण्यात शांतता , स्थीरता, समजूतदारपणा आणि प्रवासाची जाणीव होती …. वचवच, माज , नखरे काही नाही...Thank you रिंकू तुला खूप शुभेच्छा, भेटत राहु आणि हो सग्गळ्यात आनंदी चेहरे झाले ते आमच्या बॅकस्टेज कल्लाकारांचे …. त्यांच्या मनांत एकच भाव होता… “आरची आली आरची “, असंही संकर्षणनं कॅप्शनमध्ये लिहिलं.