Narendra Modi oath ceremony: काल (9 जून) नरेंद्र मोदी (Narendra Modi) यांनी तिसऱ्यांदा भारताचे पंतप्रधान म्हणून शपथ घेतली. या शपथविधी सोहळ्याला देशातील अनेक दिग्गजांनी हजेरी लावली. या भव्य कार्यक्रमामध्ये अनेक सेलिब्रिटींनी देखील हजेरी लावली आणि मोदींना शुभेच्छा दिल्या.

'या' सेलिब्रिटींना लावली हजेरी

रजनीकांत, शाहरुख खान, अक्षय कुमार, विक्रांत मेस्सी या कलाकारांनी पंतप्रधान नरेंद्र मोदी यांच्या शपथविधी सोहळ्याला हजेरी लावली होती. शपथविधी सोहळ्यातील या सेलिब्रिटींचे फोटो आणि व्हिडीओ सोशल मीडियावर व्हायरल झाले आहेत.

शाहरुख आणि अक्षयचा फोटो व्हायरल

पंतप्रधान नरेंद्र मोदी यांच्या शपथविधी सोहळ्यातील शाहरुख आणि अक्षयचा एक फोटो सोशल मीडियावर व्हायरल झाला. ANI च्या ट्विटर (X) अकाऊंटवरुन शाहरुख आणि अक्षयचा फोटो शेअर करण्यात आला आहे. या फोटोमध्ये शाहरुख आणि अक्षय हे एकमेकांना गळाभेट करताना दिसले. या फोटोला कॅप्शन देण्यात आलं, "अभिनेते शाहरुख खान आणि अक्षय कुमार राष्ट्रपती भवनात नरेंद्र मोदी यांच्या शपथविधी सोहळ्याला उपस्थित राहिले, यावेळी त्यांनी एकमेकांना ग्रिट केलं." शाहरुख आणि अक्षय यांच्या या फोटोची सध्या सोशल मीडियावर चर्चा होता आहे.

एका नेटकऱ्यानं या फोटोला कमेंट केली, "बॉलिवूडचा खिलाडी आणि बादशाह एकाच फ्रेममध्ये" तर दुसऱ्यानं कमेंट केली, "सेलिब्रेटींमधील हे बॉन्डिंग पाहणे नेहमीच आनंददायी असते! अक्षय कुमार आणि शाहरुख खान यांच्यामध्ये खरोखरच चांगली मैत्री आहे, त्यांनी चित्रपटसृष्टीत एकमेकांना समर्थन करण्याचे उदाहरण लोकांसमोर ठेवले आहे."

शाहरुख आणि अक्षयचे आगामी चित्रपट

शाहरुख खान हा लवकरच त्याच्या 'किंग' या आगामी चित्रपटाचं शूटिंग सुरू करणार आहे, तर अक्षय कुमार हा 'सरफिरा', 'वेलकम टू द जंगल 3'या चित्रपटातून प्रेक्षकांच्या भेटीला येणार आहे. शाहरुख खान आणि अक्षय कुमारच्या आगामी चित्रपटांची प्रेक्षक उत्सुकतेने वाट बघत आहेत.