Sharvari Wagh : अभिनेत्री शर्वरी वाघ सध्या तिच्या रिलीज झालेल्या 'मुंज्या' सिनेमामुळे चर्चेत आहे. तिच्या अभिनयाचं सध्या खूप कौतुक होतंय. 'द फॉरगॉटन आर्मी- आझादी के लिए' या सिनेमातून शर्वरीने अभिनेत्री म्हणून पदार्पण केलं आणि त्यानंतर तिने 'बंटी और बबली २' हा तिचा पहिला सिनेमा होता. पण तुम्हाला माहितीये का ? 'बंटी और बबली' नाही तर एका बिग बजेट सिनेमातून शर्वरीने पदार्पण केलं असतं. जाणून घेऊया हा किस्सा.

शर्वरीने दिलं 'या' सिनेमांचं ऑडिशन

नुकतंच शर्वरीने बॉलिवूड बबल या चॅनेलला मुलाखत दिली. यावेळी तिला तिने कोणकोणत्या सिनेमांच्या ऑडिशन दिल्या होत्या असा प्रश्न विचारण्यात आला. त्यावर शर्वरी म्हणाली,"ऑडिशन्सच्या सुरुवातीच्या काळात आपण कोणत्या सिनेमासाठी ऑडिशन देतोय हे सांगितलं जात नाही. मी 'सुई धागा' सिनेमासाठी ऑडिशन दिलं आहे, मी 'सुलतान' सिनेमासाठी ऑडिशन दिलं आहे. मला एकदा शनु मुखर्जीच्या ऑफिसमधून फोन आला होता. मी ऑडिशनसाठी गेले. त्यावेळी तिथे चर्चा होती कि नेमकं काय विचारतात. तेव्हा कुणीतरी सांगितलं कि आपल्या आवडीनिवडी विचारतात. तेव्हा मी सांगितलं कि, मी इतक्या भाषा बोलते, ही माझी प्रोफाइल आहे असं सगळं सांगितलं होतं. तिथूनच माझा यशराज बरोबरच प्रवास सुरु झाला. त्यानंतर मी बऱ्याच ऑडिशन्स दिल्या. दर दोन-तीन महिन्यांनी मी ऑडिशन्स द्यायचे. सुई-ढगांच्या ऑडिशनवेळी मी ऑडिशनसाठी आलेल्या कलाकारांना क्यू द्यायला मदतही केली होती. त्यावेळी मी कॅमेऱ्याच्या मागे राहून व्हॉइस मॉड्युलेशनच्या मदतीने अनेक पात्र साकारायचे आणि त्यावर कलाकार त्यांचा परफॉर्मन्स द्यायचे. यातून मला बरंच काही शिकायला मिळालं."

मुंज्या सिनेमासाठी शर्वरीचं कौतुक

मुंज्या सिनेमात शर्वरी आणि अभय वर्मा यांची मुख्य भूमिका आहे. पहिल्या दोन दिवसातच सिनेमाने बॉक्स ऑफिसवर उत्तम कमाई केली आहे. आदित्य सरपोतदार याने या सिनेमाचं दिग्दर्शन केलं असून या सिनेमात सुहास जोशी, भाग्यश्री लिमये, अजय पुरकर आणि रसिका वेंगुर्लेकर यांच्याही या सिनेमात मुख्य भूमिका आहेत.

आपल्या गावी पहिल्यांदाच आलेला बिट्टू, त्याची गर्लफ्रेंड बेला आणि त्यांच्या मागे पडलेला मुंज्या नावाचं भूत याची गोष्ट या सिनेमात पाहायला मिळणार आहे.