छोट्या पडद्यावरील लोकप्रिय कार्यक्रम 'चला हवा येऊ द्या' पुन्हा एकदा प्रेक्षकांच्या भेटीला येतोय. मात्र आता या कार्यक्रमात अभिनेता निलेश साबळेच्या ऐवजी अभिनेता अभिजीत खांडकेकर सूत्रसंचालकाच्या भूमिकेत दिसणार आहे. या नवीन पर्वात बरेच बदल आपल्याला पाहायला मिळती. आज अभिजीतचा वाढदिवस आहे. त्यानिमित्ताने अभिनेत्री श्रेया बुगडे हिनेदेखील एक पोस्ट करत अभिजीतच्या नव्या भूमिकेसाठी त्याला शुभेच्छा दिल्यात.

श्रेयाने अभिजीतसोबतचे फोटो शेअर करत लिहिलं, 'वाढदिवसाच्या खूप शुभेच्छा अभी! माझ्याकडे व्यक्त करण्यासाठी शब्द नसतात असे प्रसंग फार दुर्मिळ असतात. कारण अनेकदा मी भारावून जाते. मला तुला एकच गोष्ट सांगायला आवडेल की, तू माझ्या आयुष्यातील देवदूत आहेस. गेलं वर्ष माझ्यासाठी खूप कठीण गेलं. माझी तब्येतही फार बिघडली होती. त्यावेळी या सर्व गोष्टींचा मी सहजपणे सामना करेल, याची काळजी तू घेतलीस. तुझा दयाळूपणा आणि प्रेमळपणा वाखाणण्याजोगा आहे. तुझं हृदय प्रेमाने भरलेलं आहे. संपूर्ण जगाला आणि तुझ्या चाहत्यांना तुझ्या व्यक्तिमत्वातील नम्र स्वभाव माहिती आहे. पण यापलीकडे तुझं मन किती चांगलं आहे, हे मला माहितीये.'

तिने पुढे लिहिलं, 'तुझ्यासारखा मित्र प्रत्येकाला भेटावा. मला तुझ्यासारखा मित्र आहे त्यामुळे मी स्वतःला भाग्यवान समजते. मी तुला एक सुंदर आयुष्य, उत्तम आरोग्य आणि तुला भविष्यात अधिक चांगल्या संधी मिळाव्यात यासाठी शुभेच्छा देते. आणि लवकरच सुरू होणाऱ्या चला हवा येऊ द्याच्या शूटिंगची मी आतुरतेने वाट पाहत आहे. आपण नक्कीच काही चांगल्या आठवण निर्माण करु. इतकी वर्ष मी तुला ओळखतेय तू कायम एक उत्तम माणूस राहिला आहेस. असाच पुढे जात राहा मित्रा! देव तुझं भलं करो! खूप प्रेम.' 'चला हवा येऊ द्या २'चं २६ जुलैपासून शनिवार-रविवार रात्री ९ वाजताझी मराठीवर दिसणार आहे