Subodh Bhave: मराठी सिनेसृष्टीतील प्रसिद्ध अभिनेता सुबोध भावे (Subodh Bhave) हा त्याच्या अभिनयानं नेहमीच प्रेक्षकांची मनं जिंकतो. सुबोध हा विविध मालिका आणि चित्रपटांमध्ये काम करतो. लवकरच सुबोधची "तू भेटशी नव्याने" (Tu Bhetashi Navyane) ही नवी मालिका प्रेक्षकांच्या भेटीला येणार आहे. सध्या सुबोध हा या मालिकेचं प्रमोशन करत आहे. नुकताच सुबोधनं सोशल मीडियावर एक खास फोटो पोस्ट केला आहे. या फोटोनं नेटकऱ्यांचे लक्ष वेधले आहे.

सुबोधनं शेअर केला खास फोटो

"तू भेटशी नव्याने" या मालिकेचं प्रमोशन करण्यासाठी सुबोधनं त्याचा एक जुना फोटो सोशल मीडियावर फोटो शेअर केला आहे. या फोटोमध्ये सुबोध त्याच्या खोलीमध्ये बसलेला दिसत आहे. या फोटोला सुबोधनं कॅप्शन दिलं, जुन्या आठवणींना ....... "तू भेटशी नव्याने"

खोलीत लावलेल्या 'या' अभिनेत्रीच्या पोस्टरनं वेधलं लक्ष

सुबोधनं सोशल मीडियावर शेअर केलेल्या फोटोमध्ये त्याच्या खोलीत अभिनेत्री पूजा भट्टचा पोस्टर लावलेला दिसत आहे. सुबोधच्या या फोटोच्या बॅकग्राऊंडला पूजाचं सडक या चित्रपटातील "दिल है की मानता नही.. !" हे गाणं ऐकू येत आहे. सुबोधनं शेअर केलेल्या फोटोवर नेटकऱ्यांनी लाइक्स आणि कमेंट्सचा वर्षाव केला आहे.

"तू भेटशी नव्याने" या मालिकेत सुबोधच्या दोन व्यक्तिरेखा पाहायला मिळणार आहेत. अभिमन्यू आणि माही अशी नावं त्या भूमिकांची आहेत. चाळिशीतील असणारा अभिमन्यू हा एका कॉलेजमध्ये प्रोफेसर आहे. तर माही हा ऐन विशितला तरुण आहे. यामधील माही ही भूमिका AI च्या माध्यमातून दाखविला जाणार आहे. सुबोधच्या या मालिकेची प्रेक्षक उत्सुकतेने वाट बघत आहेत. ही मालिका 8 जुलैपासून प्रेक्षकांच्या भेटीला येणार आहे.