Suniel Shetty : बॉलिवूड अभिनेते सुनील शेट्टी यांनी त्यांच्या अभिनयाच्या जोरावर हिंदी बरोबरच साऊथ इंडस्ट्रीतही स्वतःची ओळख बनवली आहे. सुनीलच्या मुलीने अथियाने 'हिरो' या सिनेमातून बॉलिवूडमध्ये पदार्पण केलं. नुकतीच सिनेविश्वातील आघाडीचा कास्टिंग दिग्दर्शक मुकेश छाब्राने याबाबतची आठवण एका मुलाखतीमध्ये शेअर केली.

मुकेश छाब्रा यांनी नुकतीच भारती सिंहच्या पॉडकास्ट शोमध्ये हजेरी लावली. यावेळी मुकेश यांनी सुनील शेट्टीची एक आठवण सांगितली. त्यांनी असं सांगितलं कि, जेव्हा सुनीलची मुलगी अथियाची निवड हिरो सिनेमासाठी झाली तेव्हा मुकेशच्या ऑफिससाठी सुनीलने त्याचा बंगला दिला. हा किस्सा चर्चेत होता.

मुकेश यांनी सांगितलं कि,"जेव्हा माझं कास्टिंग दिग्दर्शक म्हणून करिअर बहरत होत त्यावेळी सुनील शेट्टी यांनी मला मदत केली. मुंबईत राहणाऱ्या कलाकारांपैकी ते बेस्ट कलाकार आहेत. त्यांचा आराम नगरला १६० नंबरचा बंगला होता. त्यावेळी मी त्यांची मुलगी अथियाबरोबर हिरो या सिनेमासाठी काम करत होतो. त्यावेळी ते मला म्हणाले कि, तू इतक्या लहान ऑफिसमध्ये का काम करतोयस, माझा आराम नगरमध्ये बंगला वापर. मी खूप दबावात होतो. ते मला म्हणाले कि, काही काळजी करू नको फक्त चांगलं काम करत राहा. त्यांनी केलेली ही चांगली काम कधीच कुणाला सांगितलीनाहीत . त्यांनी मला त्यांचा आराम नगरमधील मोठा बंगला वापरायला दिला. त्यांनी मला भाड्याविषयी अजिबात चिंता करू नकोस असं सांगितलं. तू माझ्या मुलींसाठी इतकं केलंस प्लिज हा बंगला वापर असं त्यांनी त्यावेळी सांगितलं."

अथियाने हिरो या सिनेमातून पदार्पण केलं होतं. २०१५ साली हा सिनेमा रिलीज होता. या सिनेमात अभिनेता सूरज पंचोलीची मुख्य भूमिका होती. तर तिचा भाऊ अहानने तडप या सिनेमातून पदार्पण केलं. त्याचा लवकरच नवीन सिनेमा प्रेक्षकांच्या भेटीस येतोय.