Vedaa And Pushpa 2: 2024 हे सिनेप्रेमींसाठी खास ठरत आहे. विविध विषयांवर आधारित असणारे चित्रपट प्रेक्षकांच्या भेटीला येत आहेत. अशातच आता येत्या 15 ऑगस्ट रोजी दोन बिग बजेट चित्रपट रिलीज होत आहेत. या चित्रपटांपैकी कोणता चित्रपट बॉक्स ऑफिसवर धुमाकूळ घालणार आहे? याकडे अनेकांचे लक्ष वेधले आहे.
अल्लू अर्जुनच्या 'पुष्पा 2' या चित्रपटाची प्रेक्षक आतुरतेने वाट पाहत आहेत. या चित्रपटाचा टीझर आणि या चित्रपटाची दोन गाणी प्रेक्षकांच्या भेटीला आली आहेत. या चित्रपटाच्या बजेटबद्दल देखील बरीच चर्चा सोशल मीडियावर होत आहे. अशातच आता जॉन अब्राहमच्या 'वेदा' या चित्रपटाची रिलीज डेट देखील समोर होणार आहे. वेदा आणि पुष्पा 2 हे दोन्हीही चित्रपट 15 ऑगस्ट रोजी प्रेक्षकांच्या भेटीला येणार आहे.
जॉन अब्राहमने ट्विटरवर (X) पोस्ट शेअर करुन वेदा या चित्रपटाची रिलीज डेट जाहीर केली आहे. या ट्वीटमध्ये त्यानं लिहिलं आहे, "या स्वातंत्र्य दिनी, तो येतोय...न्यायाची लढाई लढण्यासाठी. वेदा 15 ऑगस्ट रोजी चित्रपटगृहात प्रदर्शित होत आहे."
'वेदा' चित्रपटाचे दिग्दर्शन निखिल अडवाणी यांनी केले आहे. या चित्रपटात जॉन अब्राहमसोबतच तमन्ना भाटिया आणि शर्वरी वाघ यांनी देखील प्रमुख भूमिका साकारली आहे.
'पुष्पा-2' या चित्रपटाचे दिग्दर्शन सुकुमार यांनी केले आहे. या चित्रपटात अल्लू अर्जुनसोबतच रश्मिका मंदान्ना आणि फहद फासिल हे कलाकार देखील महत्वाची भूमिका साकारणार आहेत. हिंदी व्यतिरिक्त हा तामिळ, तेलगू, कन्नड आणि मल्याळम भाषांमध्येही प्रदर्शित होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.