पुणे : पुण्यात आतापर्यंत कोरोनाची लागण झालेल्या २५७३ पैकी १0८९ रुग्ण ठणठणीत झाले आहेत. त्यात गेल्या तीन दिवसांत साडेतीनशेहन अधिक जण बरे झाले आहेत. दरम्यान, सोमवारी दिवसभरात नवे ९१ रुग्ण सापडले असून, तर पाच रुग्ण मरण पावले आहेत. पुण्यातील मृतांची संख्या १४९ पर्यंत गेली आहे.
पुणे शहरात नऊ मार्चला पहिला कोरोना रुग्ण सापडला; त्यानंतर गेल्या दोन महिन्यांत रुग्णांची संख्या मोठ्या प्रमाणात वाढत गेली. गेल्या आठवड्यात नव्या रुग्णांची संख्या कमी झाली होती. मात्र, या पाच दिवसांत ती पुन्हा वाढली आहे. तेव्हाच, कोरोनामुक्त होणाऱ्यांचेही प्रमाण वाढले असून, रविवारी दिवसभरात १९४ रुग्ण बरे आपापल्या घरी गेले होते. त्यानंतर सोमवारी ६९ बरे झाल्याने आतापयंत १ हजार ८९ रुग्णांना घरी सोडण्यात आले आहे.
शहरात आतापर्यंत २३ हजार ७५९ जणांच्या घशातील द्रव पदार्थांच्या नमुन्यांची तपासणी केली आहे. त्यातील २ हजार ५७३ जणांना कोराेना झाला आहे. यातील ९८ रुग्णांची प्रकृती गंभीर असल्याचे महापालिकेच्या आरोग्य खात्याने स्पष्ट केले.
त्यातील १९ जण अतिदक्षता विभागात आहेत. सध्या विविध रुग्णालयांत १३३५ रुग्णांवर उपचार सुरू आहेत. दरम्यान, दिवसभरात १00८ नागरिकांची तपासणी झाली आहे.
पुण्याच्या इतर बातम्या वाचण्यासाठी येथे - क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.