पुणे : सावित्रीबाई फुले पुणे विद्यापीठाचा ११७ वा पदवीप्रदान समारंभ गुरुवारी (ता.३) संध्याकाळी ४.३० वाजता ऑनलाईन पद्धतीने होणार आहे. यामध्ये राज्यपाल भगतसिंह कोश्यारी, फोर्ब्स मार्शल प्रा.लि.चे सहअध्यक्ष डॉ. नौशाद डी. फोर्ब्स हे प्रमुख अतिथी ऑनलाईन पद्धतीने उपस्थित असणार आहेत. तसेच स्नातकांना उद्देशून दीक्षांत भाषण करणार आहेत. कुलगुरू डॉ. नितीन करमळकर, प्र- कुलगुरू डॉ. एन. एस. उमराणी, कुलसचिव डॉ. प्रफुल्ल पवार, परीक्षा मंडळाचे संचालक डॉ. महेश काकडे आदी उपस्थित राहणार आहेत. 

- समाजाच्या विघ्नहर्ता स्वरूपाचा अभूतपूर्व जागर; ‘सकाळ’चा उपक्रम

२०१८-१९ मध्ये आणि तत्पूर्वी उत्तीर्ण झालेल्या विविध विद्याशाखांमधील पदवी व पदव्युत्तर स्तरावरील एकूण ७ हजार ३५ विद्यार्थ्यांना पदवी प्रमाणपत्रे वितरीत करण्यात येणार आहेत. त्यापैकी १०४ पीएच.डी. पदवी प्रमाणपत्रासाठी अर्ज केलेले विद्यार्थी आहेत. सदर पीएच.डी. विद्यार्थ्यांपैकी ७ विद्यार्थ्यांना पदवी प्रदान समारंभात पदवी प्रमाणपत्र प्रदान करण्यात येणार आहे.

सध्या कोरोना महामारीच्या प्रादुर्भावामुळे सर्व विद्यार्थ्यांना त्यांनी अर्जात नमूद केलेल्या पत्त्यावर पुढील १५ दिवसांमध्ये पोस्टाद्वारे पदवी प्रमाणपत्र पाठविण्यात येणार आहेत.

पदवीप्रदान समारंभ पुढील लिंकवर पाहता येईल : 
http://webcast.unipune.ac.in/convocationSep2020/

- पुण्याच्या बातम्या वाचण्यासाठी येथे क्लिक करा

(Edited by : Ashish N. Kadam)