मांडवगण फराटा (पुणे) : साप चावल्याने मांडवगण फराटा (ता. शिरूर) येथे १३ वर्षाच्या मुलाचा मृत्यू झाल्याची धक्कादायक घटना घडली आहे. आदेश भुपेंद्र कुंभार ( वय १३) असे मृत्यू झालेल्या मुलाचे नाव आहे. याप्रकरणी भूपेंद्र नरेश कुंभार (वय 39 वर्षे, रा. मांडवगण फराटा) यांनी मांडवगण फराटा पोलिस दूरक्षेत्र येथे माहिती दिली आहे.

धरणाचे पाणी आम्हाला मिळत नाही, मग आम्ही जमिनी का द्यायच्या? शेतकऱ्यांचा शासनाला...

याप्रकरणी पोलिसांनी दिलेल्या माहितीनुसार, भुपेंद्र कुंभार हे आपल्या पत्नी व दोन मुलांसह मांडवगण फराटा येथे राहत असून ते आपल्या दोन्ही मुलांसह १८ अॉगस्टला सकाळी १० वाजता शेतातील पिकावर औषध मारण्यासाठी गेले होते. त्यावेळी भुपेंद्र यांनी औषध मारण्यासाठी लागणारे पाणी भरून झाल्यानंतर आदेश याला बोअरवेलची मोटार बंद करण्यास सांगितले. आदेश हा मोटर बंद करण्यास जात असताना तो मोठ्याने ओरडल्याने त्याला विचारले असता त्याने साप चावला असल्याचे सांगितले. तो पाच मिनिटात बेशुद्ध पडला.

- गणेशोत्सवात 'या' चार दिवशी ध्वनीवर्धक रात्री बारापर्यंत सुरू राहणार; पुणे पोलिसांनी केले जाहीर!​

पुढील उपचारासाठी त्याला मांडवगण फराटा येथील एका हॉस्पिटलमध्ये आणले असता उपचारापूर्वीच त्याचा मृत्यू झाल्याचे सांगण्यात आले. पुढील तपास पोलिस निरीक्षक प्रवीण खानापुरे यांच्या मार्गदर्शनाखाली मांडवगण फराटा पोलिस दूर क्षेत्राचे पोलिस हवालदार श्रावण गुपचे, पोलिस कॉन्स्टेबल किरण डुके, अक्षय काळे हे करीत आहेत.