पुणे - पुणे जिल्ह्यातील ८२८ रुग्णालयांना गेल्या दोन दिवसांमध्ये १३ हजार २५७ रेमडेसिव्हिर इंजेक्शनच्या वायल्स पुरविण्यात आल्या आहेत, अशी माहिती अन्न व औषध प्रशासनाचे (एफडीए) सहआयुक्त एस. बी. पाटील यांनी दिली.
रेमडेसिव्हिर हे इंजेक्शन कोरोनावर प्रभावी ठरत असल्याचे निरीक्षण वैद्यकीय तज्ज्ञांनी नोंदवले आहे. त्यामुळे गेल्या महिन्याभरापासून बहुतांश सर्व रुग्णांना हे इंजेक्शन डॉक्टर लिहून देत होते. या इंजेक्शनच्या पुरवठ्यापेक्षा मागणी अनेक पटींना वाढली. या पार्श्वभूमिवर रेमडेसिव्हिर इंजेक्शन वितरणाची व्यवस्था जिल्हाधिकारी कार्यालयाकडून करण्यात आली.
या बाबत पाटील म्हणाले, ‘‘पुणे जिल्ह्यात गेल्या दोन दिवसांपासून ८२८ रुग्णलयांमधील २१ हजार ७८१ खाटांवर रुग्णांना उपचार देण्यात येत होते. त्यापैकी बुधवारी सहा हजार ८५७ आणि गुरुवारी सहा ४०० अशा प्रकारे १३ हजार २५७ इंजेक्शनचा पुरवठा करण्यात आला आहे.”
पुणे जिल्ह्यात शुक्रवारपासून या इंजेक्शनचा उपलब्ध साठा रोजच्या रोज रुग्णालयांपर्यंत पोचविण्यात येत आहे. त्यासाठी जिल्हाधिकारी कार्यालयाकडून नियंत्रण कक्ष कार्यान्वित केले आहे. या इंजेक्शनचा काळा बाजार रोखण्यासाठी शहरी भागात सहा व ग्रामीण भागात १२ भरारी पथके स्थापन करण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.