रामवाडी : पुणे शहर (pune city )सह उपनगर भागात कोरोना (corona) संदर्भातील प्रशासनाच्या नियमांचे पालन करीत काल ( ता.16 ) शाळा सुरू झाल्याने विद्यार्थ्यांमध्ये आनंदी वातावरण निर्माण झाले होते .काल पहिल्या दिवशी नगररोड भागातील पहिली ते सातवी पुणे मनपाच्या(pmc) एकूण 19 शाळा सुरू झाल्या तर याच परिसरातील 50 खासगी शाळा पैकी 25 शाळा सुरू झाल्या.

कोरोना मुळे तब्बल पावणेदोन वर्षापासुन शाळा बंद ठेवण्यात आल्या होत्या. कोरोना रुग्ण संख्येत घट होऊ लागल्याने कडक निर्बंध शिथिल करण्यात आले. सर्व व्यवहार सुरू झाले. अनेक महिन्या पासुन घर बसल्या मुलांना शाळे कडून ऑनलाईन शिक्षण सुरू होते.अभ्यासात येणार्‍या अडचणी मुलांना भासत होत्या. प्रत्यक्ष वर्गात बसुन विद्यार्थ्यांना शिक्षण दिले जावे यावर पालकांचा भर होता. त्यां अनुषंगाने शाळा सुरू झाल्या त्या आधी पालकां कडून संमतीपत्र आल्यानंतर विद्यार्थ्यांना काल शाळेत प्रवेश दिला जात होता.

रोजच्या रोज वर्ग सॅनिटायझर केला जातो. चार तास शाळा सुरू आहे. एका बाकावर एक विद्यार्थी बसविण्यात आले आहे विद्यार्थ्यांना मास्क , थर्मल टेस्ट ,सॅनिटायझर, साबण ,पाणी सोय करण्यात आल्याचे सुंदरबाई विद्यालय शाळेचे मुख्याध्यापक संजय सोमवंशी यांनी सांगितले. सुवर्णा लोणकर म्हणाल्या विद्यार्थ्यांचे लसीकरण अद्याप न झाल्याने पालकां मध्ये आपल्या पाल्या विषय चेहर्‍यावर एक प्रकार ची चिंता वाटत आहे कोरोनाच्या नियमांचे पालन करीत विद्यार्थ्यांचा शाळेचा पहिला दिवस मात्र आनंदात गेला.

- एम जाधव. सहाय्यक शिक्षण प्रमुख , नगररोड विभाग

काल नगररोड परिसरातील पुणे मनपा पहिली ते सातवी इयत्ता च्या 19 शाळा सुरू झाल्या तर खासगी 50 पैकी 25 शाळा सुरू झाल्या असून उर्वरित शाळा या नाताळच्या सुट्टी संपल्या वर सुरू होणार आहे असे खासगी शाळे कडून सांगण्यात आले आहे.

विभागाचे नाव :- नगरोड विभाग

1. 1 ली ते 7 वी सुरू होणाऱ्या शाळा माहिती - एकूण मनपा शाळा संख्या - 19

2. दि .16 डिसेंबर 21 चा उपस्थिती अहवाल : एकूण उपस्थित विद्यार्थी- 2276

1. विभागातील एकूण खाजगी शाळा :- 50 पैकी 25 शाळा सुरू

2.खाजगी शाळेतील विद्यार्थी संख्या :- 33934