पुणे - पुणे व पिंपरी-चिंचवडमधील कनिष्ठ महाविद्यालयांमधील अकरावी प्रवेशाच्या दुसऱ्या फेरीत ९ हजार ५४ जणांनी प्रवेश निश्‍चित केला आहे. तर पहिल्या आणि दुसऱ्या फेरीत ४१ हजार २१ जणांनी प्रवेश घेतला असल्याचे अकरावी केंद्रीय प्रवेश नियंत्रण समितीने स्पष्ट केले. दुसऱ्या फेरीत पात्र ठरलेल्या केवळ ४३ टक्के विद्यार्थ्यांनीच प्रवेश घेतला आहे. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

राज्य सरकारने ठप्प झालेली अकरावी प्रवेशाच्या दुसऱ्या फेरीची प्रवेश प्रक्रिया २६ नोव्हेंबरपासून सुरू केली होती. विद्यार्थ्यांनी पसंतीक्रम भरल्यानंतर दुसऱ्या फेरीसाठी ४६ हजार ७९४ विद्यार्थी पात्र ठरले होते, त्यातील २३ हजार १२० जणांची या फेरीसाठी निवड झाली. त्यामध्ये १० हजार ६५८ विद्यार्थ्यांनी संमती दर्शवली; पण त्यापैकी ९ हजार ९५४ विद्यार्थ्यांचे प्रवेश अखेरच्या दिवसापर्यंत निश्‍चित झाले आहेत. १३ विद्यार्थ्यांचे अर्ज नाकारले आहेत, ५५ जणांनी प्रवेश रद्द केला तर १२ हजार ४६२ विद्यार्थ्यांनी दुसऱ्या फेरीच्या प्रवेशास कोणताही प्रतिसाद दिलेला नाही. 

इंडस्ट्री ४.० च्या दिशेने मार्गक्रमण करीत भारत बनतोय जागतिक बाजारपेठ

पहिल्या आणि दुसऱ्या फेरीमध्ये कॅप राऊंडमधून ३३ हजार १६३ विद्यार्थ्यांनी प्रवेश घेतला आहे. इन हाउस कोट्यातून ४ हजार ९०, अल्पसंख्याक कोट्यातून २ हजार ७००, तर व्यवस्थापन कोट्यातून १ हजार ६८ जण अशा ४१ हजार ३२ जणांनी प्रवेश घेतला आहे. 

Corona Updates: पुणे शहरात उरले 5 हजार सक्रिय रुग्ण

तिसऱ्या फेरीचे वेळापत्रक आज 
अकरावी प्रवेशाच्या दोन फेऱ्या पूर्ण झाल्यानंतर आता तिसऱ्या फेरीच्या प्रवेश प्रक्रियेचे वेळापत्रक गुरुवारी (ता. १०) सकाळी ११ वाजता ऑनलाइन जाहीर केले जाणार आहे. यामध्ये रिक्त असलेल्या ६६ हजार जागांवर प्रवेश घेता येणार आहे. 

Edited By - Prashant Patil