पुणे - पुणे जिल्ह्यात शनिवारी (ता.12) दिवसभरात 761 नवे कोरोना रुग्ण आढळून आले आहेत. याउलट 781 जण कोरोनामुक्त झाले आहेत. आजच्या एकूण रुग्णांत पुणे शहरातील 347 जण आहेत. दिवसभरात 9 हजार 169 कोरोना चाचण्या घेण्यात आहेत. गेल्या 24 तासांत 10 रुग्णांचा मृत्यू झाला आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

शहरातील सर्वाधिक रुग्णांबरोबरच चिंचवडमध्ये 180, जिल्हा परिषद कार्यक्षेत्रात 201, नगरपालिका कार्यक्षेत्रात 51 आणि कॅंटोन्मेंट बोर्ड क्षेत्रात 12 नवे रुग्ण आढळून आले आहेत. आजच्या एकूण मृत्यूंमध्ये पुणे शहरातील सहा आणि जिल्हा परिषद कार्यक्षेत्रातील चार जणांचा समावेश आहे. पिंपरी चिंचवड महापालिका, नगरपालिका आणि कॅंन्टोन्मेंट बोर्ड क्षेत्रातील एकाही रुग्णाचा आज मृत्यू झाला नाही.

Corona Updates: पुणे जिल्ह्यात कोरोनाला ओहोटी; मृत्युदर आला निम्म्यावर

सद्यःस्थितीत जिल्ह्यात विविध रुग्णालयांत मिळून 3 हजार 160 रुग्ण उपचार घेत आहेत. तसेच 6 हजार 220 रुग्णांवर त्यांच्या घरातच उपचार करण्यात येत आहेत. याशिवाय आतापर्यंत जिल्ह्यातील 3 लाख 33 हजार 759 जणांना कोरोना होऊन गेला आहे. जिल्ह्यात आतापर्यंत 8 हजार 612 रुग्णांचा मृत्यू झाला आहे. एकूण मृत्यू झालेल्यांमध्ये पुणे जिल्ह्याबाहेरील 415 रुग्ण आहेत. नवे कोरोना रुग्ण आणि रुग्णांच्या मृत्यूची संख्या ही काल (ता.11) रात्री आठ वाजल्यापासून आज (ता.12) रात्री आठ वाजेपर्यंतची आहे.

घोड्यांच्या शर्यतीवर बेटींग घेणाऱ्या 31 जणांना अटक; पुणे पोलिसांची धडक कारवाई

दिवसभरात कोरोनामुक्त झालेल्यांमध्ये पुणे शहरातील 254 जण आहेत. पिंपरी चिंचवडमधील 267, जिल्हा परिषद कार्यक्षेत्रातील 226, नगरपालिका कार्यक्षेत्रातील 20 आणि कॅंटोन्मेंट बोर्ड क्षेत्रातील 14 जण कोरोनामुक्त झाले आहेत.

सव्वासतरा लाख कोरोना चाचण्या
पुणे जिल्ह्यात आतापर्यंत 17 लाख 36 हजार 762 कोरोना चाचण्या घेण्यात आल्या आहेत. यामध्ये पुणे शहरातील सर्वाधिक 8 लाख 60 हजार 366 चाचण्यांचा समावेश आहे. पिंपरी चिंचवडमध्ये पाच लाख 9 हजार 786, जिल्हा परिषद कार्यक्षेत्रात 2 लाख 69 हजार 189, नगरपालिका क्षेत्रात 76 हजार 641 आणि कॅंटोन्मेंट बोर्ड क्षेत्रात 20 हजार 780 कोरोना चाचण्या घेण्यात आल्या आहेत.

Edited By - Prashant Patil