पुणे : शहरात आत्महत्याचे सत्र अजूनही सुरूच आहे. कर्वेनगर परिसरातच बुधवारी (ता.२९) आत्महत्येच्या दोन घटना उघड झाल्या आहेत. कर्वेनगर येथील कपिला अभिजात सोसायटीमध्ये मंगळवारी (ता.२८) एका ८० वर्षाच्या महिलेने सोसायटीच्या नवव्या मजल्यावरुन उडी मारत आत्महत्या केली.
याप्रकरणी अलंकार पोलिस ठाण्यात नोंद करण्यात आली आहे. वरदा अंबादास मालगुडकर (वय ८०, रा. कर्वे रस्ता) असे आत्महत्या केलेल्या महिलेचे नाव आहे. त्या एका शाळेतून मुख्याध्यापिका म्हणून निवृत्त झाल्या होत्या.
पोलिसांनी दिलेल्या माहितीनूसार, संबंधीत महिला मुलगा आणि सुनेसोबत सोसायटीच्या नवव्या मजल्यावरील सदनिकेत राहत होती. सकाळी मुलगा आणि सून जॉगिंगला गेले होते. त्यावेळी वरदा यांनी एसीच्या जागेतून खाली उडी मारली. सोसायटीतील नागरिकांना ही बाब समजताच, त्यांनी तातडीने पोलिसांना कळवले. पोलिसांनी महिलेला ससून रुग्णालयात दाखल केले. तेथे त्यांना मृत घोषित करण्यात आले. संबधीत महिला या आजारी आणि मानसिक तणावा खाली होत्या. त्यामुळे त्यांनी आत्महत्या केल्याची शक्यता पोलिसांनी वर्तवली आहे.
- पुण्याच्या बातम्या वाचण्यासाठी येथे क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.