पुणे : ओळखीच्या व्यक्तीला पैसे देण्यासाठी गेलेल्या एका व्यावसायिकावर(On professional) टोळक्याने कोयत्याने वार करुन त्यांच्याकडील रोकड लुटली (Robbed). या घटनेत व्यावसायिक गंभीर जखमी (Injured) झाले. ही घटना सोमवारी (Monday) सायंकाळी (Evening) साडे पाच वाजता महमदवाडीतील सय्यदनगर (Sayyad nagar) येथे घडली.

याप्रकरणी मुजीब गालिब तांबोळी यांनी वानवडी पोलिस ठाण्यात फिर्याद दिली आहे. त्यावरुन आठ ते दहा जणा्ंविरुद्ध गुन्हा दाखल करण्यात आला आहे. फिर्यादीचे कोंढवा येथे इलेक्ट्रॉनिक वस्तु विक्री व दुरुस्तीचे दुकान आहे. त्यांच्या दुकानात अफसान शेख नावाचा टेक्नीशियन कामाला होता. अली मोहमद शेख यांच्याकडुन 27 हजार 500 रुपये किंमतीचे जुने टीव्ही खरेदी केले होते. त्याचे पैसे देणे बाकी होते.

दरम्यान, सोमवारी ते शेख यांना पैसे देणार होते, मात्र शेख यांना येण्यास विलंब होत असल्याने ते त्यांच्या दुकानातील कामगार अफसान शेख याला भेटण्यासाठी त्याच्या घरी गेले. तो बाहेर गेल्याने ते रस्त्यावर थांबले.तेव्हा तेथून जाणाऱ्या टोळक्याने त्याच्यावर कोयत्याने वार करुन जबर मारहाण केली. तसेच त्यांच्याकडील 27 हजार 500 रुपये जबरदस्तीने काढले.