पुणे : शहरातील कोंढवा कोंढवा बुद्रुक येथील पारगे नगर येथील फर्निचरच्या गोडाऊनला लागलेली भीषण आग आटोक्यात आणण्यात यश आले आहे. घटनेची माहिती मिळताच घटनास्थळी अग्निशमन दलाच्या जवानांनी शर्थीचे प्रयत्न करून आगीवर नियंत्रण मिळवले. (Huge Fire Broke Out At Kondhwa Pune)

मिळालेल्या माहितीनुसार, पुण्यातील कोंढवा भागात मोठ्या प्रमाणात सोफ्याचे तसेच इतर लाकडी फर्निचरचे गोडाऊन आहे. त्यातील एका गोदामाला दुपारच्या सुमारास आग लागली. गोदामात लाकडी साहित्य आणि सोफ्यासारखे साहित्य असल्याने आगीेने काहीवेळातच रौद्ररुप धारण केले.

दरम्यान, घटनेची माहिती मिळताच घटनास्थळी अग्निशमन दलाच्या 10 गाड्या दाखल झाल्या होत्या. त्यानंतर जवानांनी शर्थीचे प्रयत्न करून आगीवर नियंत्रण मिळवले. गोदामात लाकडी साहित्य आणि फोममुळे आगीवर नियंत्रण मिळवण्यासाठी बराच अडचणींचा सामना करावा लागला. आग नेमकी कशामुळे लागली याचे कारण अद्याप समजू शकलेले नाही. मात्र, मोठ्या प्रमाणात आर्थिक नुकसान झाल्याचे सांगितले जात आहे.