चाकण (पुणे) : लॉकडाउनच्या पार्श्वभूमीवर व कोरोनाच्या भीतीने खेड तालुक्‍यातील चाकण एमआयडीसी परिसरातील सुमारे एक लाख जणांनी परप्रांतीयांनी परत आपल्या घरी जाण्यासाठी वैद्यकीय तपासणी करून फिटनेस सर्टिफिकेट घेतले आहे, अशी माहिती खेडचे तालुका आरोग्य अधिकारी डॉ. बळिराम गाढवे यांनी दिली. 

मध्य् प्रदेशला निघालेले मजूर म्हणतायेत, "पैसे संपले, खायला अन्न नाही...'   

काही परप्रांतीय पायी जात आहेत; तर सरकारच्या वतीने एसटी बस सोडण्यात येत आहेत. चाकण येथून आज साठ एसटी बस सोडण्यात येत आहे. त्यातून दोन हजार परप्रांतीय कामगार व मजूर मध्य प्रदेश, छत्तीसगड या राज्यात जाणार आहेत. सुमारे साठ हजार कामगार व मजुरांनी परराज्यात जाण्यासाठी पोलिसांकडे नोंद केली आहे, अशी माहिती चाकणचे वरिष्ठ पोलिस निरीक्षक कल्याण पवार यांनी दिली. 

स्थलांतरित मजुरांकडे दुर्लक्ष करताय का...

चाकण परिसरात घरी जाणाऱ्या परप्रांतीयांची संख्या मोठी आहे. प्रत्येक बसमध्ये तीस जण बसविण्यात येत आहे. पोलिसांच्या वतीने कामगार व मजूर यांची यादी बनविली जात आहे. त्यानंतर त्यांना बसमध्ये बसविण्यात येत आहे. त्यासाठी वरिष्ठ पोलिस निरीक्षक पवार, मंडलाधिकारी दीपक मडके, तलाठी श्‍याम वाल्हेकर, श्रीधर आचारी, एसटी महामंडळाचे अधिकारी व चालक, कार्यकर्ते प्रयत्न करत आहेत. मजूर कामगारांसाठी जेवण व पाणी आदी व्यवस्था करण्यात आली आहे. तसेच, बहुतांश कामगार व मजूर परवानगी मिळवून रेल्वेने व बसने जाण्याचा प्रयत्न करत आहेत. काही पायीच गावी गेले आहेत; तर काही अजूनही चालत आहेत. 

पुण्याच्या इतर बातम्या वाचण्यासाठी येथे क्लिक करा   

कंपन्या व इतर कामे सुरू झाल्यावर कामगार व मजूर टंचाईचा मोठा फटका कंपन्यांना व इतरांना बसणार, हे मात्र नक्की आहे. कोणी मजूर व कामगार देता का, अशी वेळ कंपन्यांवर व इतर व्यावसायिकांवर येण्याची अधिक शक्‍यता वर्तविली जात आहे.