हिंजवडी (पुणे) - मोबाईल च्या नादात मोपेड दुचाकीवरील ताबा सुटल्याने ब्रेक ऐवजी गाडीचा ऍक्सिलेटर वाढल्याला आणि एक तरुणी थेट दुचाकीसह महादेव मंदिरात जाऊन कोसळली. मंगळवारी (ता. ३) सायंकाळी साडे सहाच्या सुमारास वाकड गावठाणातील म्हातोबा मंदिराशेजारील महादेव मंदिरात हा अपघात झाला. बुधवारी (ता. ४ ) या घटनेचे सीसीटीव्ही फुटेज वेगवेगळ्या 'टॅग लाईन'ने सोशल मीडियावर मोठ्या प्रमाणात व्हायरल झाले आहे.

याबाबत स्थानिक ग्रामस्थ अतुल भुजबळ व चांगदेव वाकडकर यांच्याकडून मिळालेली सविस्तर माहिती अशी की, मंगळवारी सायंकाळी एक सुशिक्षित तरुणी वाकड गावठाण येथील महादेव मंदिरात देवदर्शनासाठी गेली होती. ही आयटीमध्ये काम करणारी तरुणी असल्याची चर्चा आहे. दर्शन झाल्यानंतर माघारी जात असताना तरुणीने दुचाकी सुरू केली. मात्र, यावेळी तिच्या हातात असलेल्या मोबाईलवरील चॅटिंगमुळे दुचाकीची अचानक गती वाढली. या गोंधळात तरुणी थेट प्रवेशद्वारातून दुचाकीसह मंदिरातील नंदीजवळ जाऊन कोसळली. अपघाताचा आवाज आल्याने शेजारी राहणारी एक महिला तिच्या मदतीसाठी धावून आली.

ताज्या बातम्यांसाठी डाऊनलोड करा ई-सकाळचे ऍप

या घटनेचे फुटेज सोशल मीडियावर व्हायरल झाल्याने वाकडगावातील महादेव मंदिरात गर्दी होऊ लागली आहे. मात्र, ती तरुणी कोण होती, याबाबत बुधवारी (दि. ४) रात्री उशिरापर्यंत माहिती मिळू शकली नाही. या घटनेची वाकड पोलिसांकडे कसलीही नोंद करण्यात आली नाही.मात्र वाकड परिसरातील व्हाट्स अप ग्रुपवर या अपघाताची चांगलीच चर्चा रंगली होती.

राज्यात 'इतके' युनिट वीज मोफत मिळण्याची शक्यता; नवे वीज धोरण लवकरच