पुणे - कोल्हापूर येथील ओंकार इंडस्ट्रीज येथून 388 किलो मेफेड्रोन जप्त करण्यात आले. याप्रकरणी आरोपी अमली पदार्थ जगतातील संघटित गुन्हेगारांना आश्रय व आर्थिक रसद पुरवत असल्याची माहिती पोलिस तपासातून समोर आली. हा गुन्हा गंभीर स्वरूपाचा गुन्हा असून त्यातून नागरिकांचे आरोग्य धोक्‍यात येत शकते, असे नमूद करीत न्यायालयाने याप्रकरणातील आरोपींचा जामीन फेटाळला.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

विशेष न्यायाधीश (एनपीडीसी) व्ही. पी. आदोणे यांनी हा आदेश दिला. पुणे कस्टम्स नार्कोटिकस सेल विभागाने 2015मध्ये ही कारवाई केली होती. नजीर सांगे, रवींद्र कोंडुसकर, अयुब मकानदार, अयुब लाला खान आणि सचिन बागूल अशी याप्रकरणातील आरोपींची नावे आहेत. या छाप्यामध्ये सुरवातीस 50 किलो व नंतर 338 किलो मेफेड्रोन जप्त केले होते. त्याची किंमत 40 कोटी रुपयांच्या घरात आहे.

खडकवासला परिसरात पोलिसांची नाकाबंदी; मद्यपींवर पोलिसांची करडी नजर

न्यायालयीन कोठडीत रवानगी झाल्यानंतर आरोपींनी जामिनासाठी अर्ज केला होता. नार्कोटिकस सेल विभागाच्यावतीने विशेष सरकारी वकील ऍड. संदीप घाटे यांनी आरोपींच्या जामिनास विरोध केला. आरोपी पाच वर्षांपेक्षा जास्त काळ तुरुंगात आहेत. त्यामुळे त्यांना जामीन देण्यात यावा, असा युक्तिवाद आरोपींच्या वकिलांनी केला. मात्र, न्यायालयाने आरोपीचा जामीन अर्ज फेटाळला.

Edited By - Prashant Patil