इंदापूर : पुणे जिल्ह्याचे कार्यक्षम पोलिस अधिक्षक डॉ.अभिनव देशमुख यांच्या संकल्पनेतून जिल्ह्यामध्ये आज गुरुवार (ता.९) रोजी तक्रार निवारण दिनाचे आयोजन करण्यात आले होते. वालचंदनगर पोलिस ठाण्याच्या हद्दीतील ३९ गावांमधील १३८ तक्रारी अर्ज प्राप्त झाले होते.
बारामतीचे उपविभागीय पोलिस अधिकारी नारायण शिरगावकर, वालचंदनगर पोलिस ठाण्याचे साहय्यक पोलिस निरीक्षक बिरप्पा लातरे, पोलिस उपनिरीक्षक अतुल खंदारे, नितीन लकडे यांच्या उपस्थितीमध्ये पोलिसांनी तक्रारी ऐकून घेतल्या १३८ अर्जापैकी ६६ अर्जावरती समजोतीने तोडगा काढून मिटविण्यात आले.
यामध्ये २९ वर्षांपासून सुरु असलेला रस्त्याचा वाद १ तासामध्ये मिटविण्यामध्ये पोलिसांना यश आले. १९९२ पासून शेळगाव गावातील वायसे वस्तीवरील नंदा छगन वायसे व दिलीप बयाजी वायसे, अर्जुन बयाजी वायसे, अशोक बयाजी वायसे, नामदेव वायसे यांच्यामध्ये रस्त्याच्या ७०० मीटर लांबीच्या रस्त्याच्या कारणावरुन वादावादी होत होती.
साहाय्यक फौजदार रतिलाल चौधर यांनी बारामतीचे उपविभागीय पोलिस अधिकारी नारायण शिरगावकर यांच्याकडे सदरच्या प्रकरणाची माहिती सांगितली. पोलिसांनी रस्त्याच्या वादावर कायमचा तोडगा काढून २९ वर्षाचा वाद मिटविला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.