लोणी काळभोर (पुणे) : हवेली तालुक्यातील उरुळी कांचन येथील उद्योजकाचे अपहरण करून त्यास वीस लाख रुपयांच्या खंडणीसाठी मारहाण करणाऱ्या चार जणांच्या टोळीवर लोणी काळभोर पोलिसांनी मोकाअंतर्गत कारवाई केली आहे. 

अजितदादांकडून पवारसाहेबांसमोरच भाजपच्या महापौरांचे कौतुक...  

अजिंक्य उत्तम कांबळे (वय ३४, रा. टिळेकरवाडी. ता हवेली) हा मोकाअंतर्गत कारवाई करण्यात आलेल्या टोळीचा प्रमुख असुन, ऋतिक विजय दरेकर, प्रतिकेश उत्तम लोणकर (रा. दोघेही सहजपूर, ता. दौंड) व समीर जावेद सय्यद (रा. सहकारनगर, टिळेकरवाडी, ता. दौंड) हे त्याचे सहकारी आहेत. अजिंक्य कांबळे याच्यासह या चौघांनी सहा महिन्यांपूर्वी उद्योजक विशाल बापू खेडेकर यांचे अपहरण करून त्यांना वीस लाख रुपयांच्या खंडणीसाठी मारहाण केली होती. 

शरद पवारांनी खडसावल्यानंतर अजित पवार म्हणाले...

दरम्यान, अजिंक्य कांबळे याच्यासह या चार जणांच्या टोळीवर लोणी काळभोर पोलिसांनी मोकाअंतर्गत कारवाई करण्यासाठी लागणारी सर्व कागदपत्रे व भक्कम पुरावे कोल्हापूर परिक्षेत्राचे महानिरीक्षक सुहास वारके यांच्याकडे सादर केली होती. त्यानुसार या टोळीवर मोकाअंतर्गत कारवाई करण्याच्या प्रस्तावास विशेष पोलिस महानिरीक्षक कार्यालयाने मंजुरी दिली, अशी माहिती लोणी काळभोरचे पोलिस निरीक्षक सूरज बंडगर यांनी दिली. 

पुण्याच्या बातम्या वाचण्यासाठी येथे ► क्लिक करा

त्यांनी सांगितले की, अजिंक्य कांबळे व त्याच्या वरील तीन सहकाऱ्यांनी सहा महिन्यांपूर्वी उरुळी कांचन येथील प्लॉटिंग व्यावसायिक विशाल खेडेकर यांचे अपहरण करून त्यांना वीस लाख रुपयांच्या खंडणीसाठी मारहाण केली होती. याबाबत गुन्हा दाखल होताच चारही आरोपी फरारी झाले होते. त्यांना शोधण्यासाठी लोणी काळभोरचे सहायक पोलिस निरीक्षक पवन चौधरी व त्यांच्या सहकाऱ्यांनी शोधमोहीम राबवली होती. यात एप्रिल महिन्याच्या दुसऱ्या आठवड्यात अंजिक्य कांबळे हा आरोपी पोलिसांच्या हाती लागला. मात्र, उर्वरीत तीनही आरोपी अद्याप फरारी आहेत. याच दरम्यान या चारही आरोपींचे गुन्हे लक्षात घेऊन पोलिसांनी त्यांच्यावर मोकाअंतर्गत कारवाईसाठी परवानगी मागीतली होती.