वारजे : वारजे माळवाडी येथील दिगंबरवाडी शाळेजवळील व गोकुळनगर भागातील अनाधिकृत बांधकामावर महापालिकेच्या अतिक्रमण विभागाकडून कारवाई करण्यात आली. यामध्ये चार हजार स्क्वेअर फूटाचे क्षेत्र जेसीबीच्या सहाय्याने रिकामे करण्यात आले.

येथील अनधिकृत बांधकामा विरोधात तक्रारी आल्या होत्या. याबाबत संबधितांना नोटीस बजावण्यात आली होती. त्यामुळे ही कारवाई करण्यात आली. बांधकाम विभाग झोन 3 कडून 1 जेसीबी, 2 ब्रेकर, पोलिस कर्मचारी, बिगारी यांच्या सहाय्याने उपअभियंता देवेंद्र पात्रे यांच्या नेतृत्वाखाली कनिष्ठ अभियंता सतीश शिंदे, सचिन जावळकर, अजित ववले, यांनी ही कारवाई केली.